كبير المراقبين [ وسام العطاء الذهبي 2016 ]
تاريخ التسجيل: Jun 2012
المشاركات: 10,291
رد: من اي عمر يبدا صيام ابنائك
اهلا بالعزيزة ارووواح ربي يحفظلك ياها يا رب وتشوفيها احلى عروس
بالنسبة الي ابني الكبير السنة الماضية عمره كان ١١
وكان يصوم للساعة ٣ بغد الضهر وبعدين يفطر وخاصة عنا الافطار للساعة عشرة بالليل يعني بنصوم بين ١٩ ل٢٠ ساعة
وكنت ما ارضى معو كل يوم وخاصة عنده مدرسة ونشاطات كان يصر عليي بس اكتر من الساعة ٣ بعد الضهر ما خليه مرات كنت خليه لل٤
ومن شهر كمل ال١٢ سنة فالبارحة طلب يصوم بس صار الوقت بعد الضهر طلبت منو يفطر ما قبل معي طلب يستمر
طلبت منو ينام فنام شي ساعتين
ورجعت طلبت يفطر ما رضي
فكمل البارحة وفطر معنا عالساعة ١٠ الا تلت
فاليوم طلب يصوم ما رضيت معو لانو عنده مدرسة
فقلتلو هالسنة كل سبت وأحد بتصوم لانو ما عندك مدرسة
والسنة الجاي اذا الله راد بتصير تصوم يوم اي ويوم لا حسب ما بتحس حالك مرتاح
وبس تصير ١٤ اذا الله راد بتصوم كل الشهر لانو بتصير مكلف وواجب عليك
بلاقيها صعبة يصوم من هلئ والنهار طويل وبالمدرسة في تلات ايام بالاسبوع رياضة غير السباحة فرح يصير عنده ارهاق مع الصيام
وطبعا دايما بشرح للاولاد شو يعني صيام وشو الحكمة منها
مثلا البارحة خليتهن يحضروا فيديو لاطفال بالصومال كيف في مجاعة ببعض المناطق وكيف نحس فيهن لنقدر نساعد غيرنا ونتصدق على قدر استطاعتنا ونشكر ربنا عالنعم اللي عنا ياها
ونتحمل الصيام لنشعر بغيرنا
فحسيتهن البارحة صاروا يعتبروا الصيام مش جوع وحرمان بالعكس صار عندهن سبب ليصوموا
رمضان كريم
__________________
اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه