بالنسبة لحديث قبول البنت للزواج لخبطت فيه ..


اخواني واخواتي عندي موضوع ودي اقوله لكم

اني انسانه دقيقة الملاحظة ، وعندي ربط فضيع للأحداث ، وبناء عليه اسوق النتائج وتصيب .. وكذا مره صابت لذلك انا من يومين وانا ذهني مشغول

قبول يومين دخل والدي علي في المطبخ وكنت انتظر اختي تنزل ونسهر سوى ، قالي سويلي شاهي وراح للصاله
سويت له الشاهي وانا رايحة له ضغطي منخفض، العادة انا اساله تبي شي ويقولي اذا يبي
الحاصل جلست عنده بالصالة لاني اصلا احتري يفاتحني بالموضوع اللي اتوقعه عشان ارتاح

وقالي شفتي الفرن اللي شروه؟ (يقصد امي وخواتي) ، قلت ليش هم شارين فرن !! ..قال ايه وسكت .. <<اظن ردي محبط للوالد حسني بوااااادي ثاني هذي من وين افتح معاها سالفه وهي بدنيا ثانيه🤗 بس صدق انا مادري عنه هالشي
المهم وشوي ورجعت امي من خالتي واظن بذلك الجو بدا يتسكر علينا (لان والدي لما يفاتحني بخطبه يحرص مايكون في مكانا احد )
والله احتريه يتكلم ماتكلم واختي تدق تدق تدق تدق لين انفجر جوالي وانا أسكر عليها وتدق يوم شفتها ملزمة رديت عليها عنده ..
فافهم اتوقع ان انا واختي ورانا شي فمو وقته اليوم وفعلا مو وقته ورانا عيد وأيام عيد

لكن اليوم كنت مع امي بغرفتهاودق جوالها قلت مين ابوي؟ قالت ايه وطلعت تكلمه برا غرفتها،فاحسيت بشي مخبى

طبعا بتقولون شي عادي يحصل بأي بيت ولكن:
1- الوقت اللي طلب مني والدي فيه الشاهي كان توه راجع من بيت جارنا ، متعشي واكيد ضيفوه هناك
2-والدي شرب فقط بيالتين شاهي وهذا اقل من القدر اللي عاده يشربه!
3-خروج امي وقت مكالمة ابوي لها خلاني افكر اكثر
4- ابوي المره الماضية لما قالي عن خطبه قالي جيبيلي شاهي😖
5-العادة ابوي يجلس ع جواله وذاك اليوم جالسه يفكر

المهم انا والله خااااااايفه ، خايفه يكون توقعي صحيح المره اللي سبقت هذي يوم قالي سوي شاهي خفت والله وطلع اللي خفتته
وخايفه هالمره يكون اللي أخافه يصير احد خاطبني عارف اني ارفضه اصلا واتناشب ثانيه زي كل مره