عزيزاتي حبيباتي
انا كنت زيكم اكل ثلاث وجبات لين اكتفي واشبع
وقهوه وتمر واذا طلعت واشتهيت شي اكلته
واقول زاد وزني وبدات معاناتي
واذا باسوي دايت امل مررره ومااستمر
لين قررت اروح الاستشاري كبيييير بالسعوديه متخصص بالسمنه
باسوي لي تكميم اسهل واريح ورشاقه وووو بس بعد التكميم جدول قلت مافي مشكلة
والحمدلله سويت التكميم ومشيت عالجدول الي عطاني
قال الجدول هذا كل اطباء سمنة العالم معتمدينه كلنا نستخدمة
انا كممت معدتك الدور عليك تغيرين العادات لان المعده صغير ومتكممه
المهم اول اسبوع فقط سوائل شفافه
مرق دجاج صافي وبدون اضافة ملح كثير ولا صلصه ولا بهارات نعناع مرق لحم صافي
وقال استبعدي كل الصلصات والبهارات
لان السنة الاولى هي السنة الذهبيه للنزول والوصول للمثالي بصحة
والحمدلله مشيت عالنظام
وابتدينا اسبوع الشوربات الخفيفه والعصيرات الخفيفه كمان لابهارات ولا ملح
وحليب منزوع الدسم ولبن منزوع الدسم وزبادي منزوع الدسم
قال ادخلي رابطة المتكممين راح تكتشفين عالم من الصحة وادخل الرابطه واحصل ناس صح ماشيه تاكل صح
مو عادات غلط
المهم خلال هالاسبوعين حسيت اني كنت ظالمة معدتي جدااا
وش من الدسم وحليب كامل ولبن كامل لاتخافون بتاخذون كميتكم من عصيرات الفواكة بالبيت بدون سكر
وتناول البروتين
وكملت بعدها اسبوعين اكل مطحون اي شي بس اطحنه طحن بالخلاط السريع
بس مايتعدى الوجبه 60 مل
وفعلا كنت ااااشبع ومااحس بالجوع اطلاقا
ولا مره جعععت
رتبت اكلي صرت اخذذ ست وجبات ماتتعدى 60 مل
مابين بروتين ووشوربات ولحم مع شوربه مطحونه
واسبوعين انتقلنا للمهروس والاهم اضافة البروتين منزوع الدسم
من النصائح
استبعاد التمر قدر الاستطاعه تثبت الوزن وهذا كلام كل الاستشاريين وكلامي من تجربه
استبدال الاكل باكل صحي من قسم الحميه بالمراكز زي الدانوب لانها جميله ومساعده بقوووه بالنزول
المهم تكفي الاحتياج ست وجبات بما فيها سناك لو علبة زبادي مع كاجو
والكميه قليله
اي وتذكرت شي
لما طلعت من المستشفى رحت اتسوق
بناء ع نصيحة دكتوري قال خليك ايجابيه ولاتروحي البيت تنسدحي روحي امشي بالاماكن العامه تسوقي
وفعلا رحت عشان اثبت لنفسي اني اقدر
ومن اول ليله صرت امشي بالممشى
المشي ساعه ونصف
الماء قبل الوجبه بنص ساعه وبعدها بساعه عشان المعده ماتتوسع وتتلخبط الهضم
مهم جدا شرب السوائل دافيه
تفاديا للدوخة ملعقه صغيره جدا عسل مذابه في فنجان ماء دافي عالريق

اكتشفت ان عالم الحميه بالمراكز روعه وفيها الي يحافظ علينا بخير
ماناكل الارز العادي ولا المكرونه العاديه لا كلها دايت والتوست من الشوفان
العصيرات اذا ماسويت بالبيت من الحميه
الخبز كمان
كل شي
واحس اني خفييييييفه
ع فكره الاكل لو شوي مليان دسم يسمن والاكل لو كثير وخفيف مايسمن
والاخير الزيوت استبعدوها تماما واستخدموا زيت الزيتون
طبعا لما حكيت من تجربه وباع كبير بالموضوع
حبيت اشارك اخواتي يستفيدوا