إنت عندك هدفين
1- تحافظ على طفلك وتربيته
2- ترضي والديك وخصوصاً أمك

أنا أشوف انك تقدر تجمعهن الثنتين بسياسه ومداراه
ياخوي بر الوالدين صعب وركز عليه القرآن والدين واااجد لأنه فعلاً صعب ، أعمارهم عقلياتهم تقكيرهم حججهم يبيلها صبر ،، واللين مادخل في شيء إلا زانه
مو لازم ترفع ضغط أمك وانت عارف الكلام والنقاش مايجيب نتيجة ،، تجلس تعيد قدامها انك ماتبي ولد اخوك وانه فيه وفيه وان ولدك وانت مدري ايش و و و وانت عارف كل هذا هي ماتفهمه ولا تبي تفهمه !!
خلاص لازم ترضيها إلعب عليها ياخي سايسها وساحلها بدون ماتفلت ولدك !
لا تنام يوم وهي زعلانه منك مهما كانت الأسباب قويه !

قولها ابشري يايمه وخلاص انا ابي عيال العم يتصادقون وابي احتوي ولد اخوي كأنه ولدي وابيهم يجتمعون ويكبرون على الطاعه وانا بكون معهم دايم وبجمعهم وبحاول انتبه لهم و و و

دامهم بس يجونكم يوم واحد فض نفسك هاليوم واجلس معهم طول الوقت ،، جيب بلاي ستيشن يلعبون فيه قدامك او طلعهم مكان وانت معهم حسس امك انهم مع بعض وبنفس الوقت انت راقبهم ولاتغفل عنهم ،،

أما أخوك صراحه لاتعليق الله يهديه ويصبر زوجته ولايبتلي أبنائها بجريرة أفعال والدهم !!

"" انا استشفيت من موضوعك وردودك إنك حاد ومباشر وغير مجامل وصريح ، هذه صفات طيبة بس أحيان تحتاج للمداراه والسياسه خصوصاً في النقاشات الأسرية عشان تحرص عالروابط بينكم ""

لاتغفل أبداً إنك تستودع ابنائك وعائلتك الله في كل نهار وليله

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال