زوجي دايما يعاتبني ويقول لي مااتعرفين الوقت المناسب اللي تطلبين فيه مني شي مثل الذهاب للسوق او الجمعيه او اي شغله في البيت .... وهو من النوع اللي يجي من الشغل نتغدى وينام لين المغرب وبعدين يطلع وما يرجع الا على الساعه 11 بالليل ... اذا طلبت منه شي قبل الغداء يعاتبني واذا طلبت منه المغرب يقول الحين مااقدر لانه مايحب اطلب منه شي وهو مش مستعد له من قبل ... يعني بعد المغرب اذا قلت له ابي اروح مكان يقول لي يعني لازم الحين ؟ ضروري يعني؟ لما يرجع من البيت بالليل يعاتبني ويقول لي الواحد يبي يرتاح وانتي تطلبين اشياء مش افوقتها وبعدين يقول لي ان شاء الله بوديج ... ولما يصير اليوم الثاني يكون ناسي واذا قلت له بتوديني يعاتبني لنفس السبب
انا صرت اكره اطلب منه شي مع اني احيانا اكون مجبوره ولاني لازم اطلب مره ومرتين وعشر لحد مايفضى ومزاجه يكون رايق ويوديني ..... يوم الجمعه مااطلب لاني ادري ماراح يوديني ويوم السبت اللي هو يوم اجازه ينام لين الظهر وبعد ما يقوم يقول لي انا حاس اني وايد دايخ من كثر النوم ويكمل ينام العصر .... حتى اقول له نطلع اندور يوم السبت عالاقل لكن يقول لي تعبان ابي ارتاح واريح جسمي لحد العصر بعدين انروح لكنه ينام ويقوم ولا كاني طلبت منه شي ..... ويقول لي انتي وايد تطلبين صحيح انا حاسه اني اطلب وايد بس اكرر نفس الطلب لانه مايوديني ... يعني اذا بروح السوق كل يوم بطلب وبطلب وبعدها باسبوع واحيانا اسبوعين ثلاث يوديني واذا سكت نسى ؟؟؟؟... الصراحه احترت ... مااعرف متى اطلب .... مااعرف متى اتكلم ... ماادري اشلون ارضيه

وفيه شي ثاني ... هو يعاتبني لاني ماابادر في المداعبه والفراش يعني الرغبه دايما تكون منه .... هو يدري اني خجوله وانا حاولت كم مره ويوم اللي اتجرأ يقول لي انا اليوم تعبان ... انا اليوم ابي انام ... بكره وراي شغل .... او مايعطيني وجه .... ومن كم يوم سويت له عشه وقلت له عندي لك مفاجأه وجهزت الشموع والبالونات والكيك والعصير والهدايا وكشخت واتعطرت بس اول مادخل البيت قال لي انا اليوم تعباااااان ما لقيتي الا اليوم ؟؟؟
هو كان امسخن اشوي وانا ماالومه وايد بس حرارته 38 بس هو وااايد يتشكى لما يمرض وحتى لو حس انه بيمرض .... حاس جسمي يعورني ... حاس اني بمرض ... حاس اني دايخ .... طوووووول الوقت ..... المهم انا اتضايقت بهاليوم لان حتى مااتعشى معاي الا كم لقمه لانه قال لي اخاف ارجع ...... معليش هو تعبان بس كان المفروض يجاملني اشوي ....
ولما رحنا على الفراش بدى يغازلني ولما اغازله يقول لي بس خلاص عشان ماتتطور الامور ويصير شي وانا تعبان وبعدين هو يبادر ويجي يتغزل وانا اكون جامده اشوي لكن تفاجأت لما يقول لي ليش انتي جامده .؟ .... ليش ماتبينين لي انج تبين ؟؟؟... ليش اتكابرين وبعدها يقول لي تعبان ....

الصراحه احترت معاه واااااااايد ..... ساعدوني جزاكم الله الف خير