بالنسبة لوقت الطلب حاولي دائما يكون بين صلاة المغرب والعشاء , وغالبا يكون بأسلوب جميل ولا يكون بأسلوب أمر , يعني مثلا : لو قلتي جيب كذا وكذا (( يمكن يكون زوجك من الناس اللي عندهم عزة نفس وهذا يجرحة حتى لو ماقالك )) يعني حاولي تكتفين بقول ناقص على البيت كذا وكذا , بعدين لا تنسي شيء مهم كثرة الطلبات تموت قلب الرجل يعني حاولي تستغلي فترة نزول الراتب وأكتب كل النواقص , وبعدها لا عاد تطلبي شيء حتى لو نسيتي شيء حاولي تستبدلية بشيء ثاني يكون موجود


نسيت أقلك شيء مهم (( لا تحاولي تربطي بين الأشياء )) يعني إذا ماجاب تقلبها هم وإذا جاب تسعديه , لا حاولي تسعدية حتى لو ماجاب شيء , لأنوا تلقائيا بيحس كل ماعملتيه بطيب بيحس إنوا فيه طلب , فبيتكون عندوا خوف مو حب , عوديه إن حبك فوق كل متطلبات الحياة , يعني أحبك بجميع الأحوال

نقطة مهمه داخله بالموضوع ::: حاولي دائما تذكريه بالخير بوجهه يعني كلمي أهلك مثلا وهو موجود وقولي والله مايقصر دايما البيت ماينقصوا شيء بيستحي وبينحرج حتى لو ماتعدل بالأيام الأولى .

لأن الفكرة عند الرجال بصفة عامة مهما عطيت البنت بساعة غضب تنكر جميلك (( غيري الفكرة هذي ))

بالنسبة لتوصيلك لأي مكان تبية ففيه حركة تأثر فيه نفسيا وهي (( روحي إلبسي وخلصي مكياجك )) ولما تكوني جاهزة أطلبية بأسلوب حلوا يوديك المكان اللي تبي , وإذا رفض لا تحاولي تسببي مشكلة , إكتفي بالسكوت وخليه يطلع من البيت وصدقيني بيحترق صدرة وبيتمنى لو وداك وماراح سهر مع أصحابة وإذا رجع عاتبية بكلام حب (( وتذكري الرجل عنيد دائما ولا يحب المراءة المسترجلة ))

طبعا أكيد الموضوع صعب بس إنتي بتعالجي مشكلة لسنيين قدامك بس تحلي بالصبر


بالنسبة للفراش

فهذا كلام طويل مرة المهم (( ما أبيك تملي رد سريع ))
الفراش يالغالية أول شيء أبيك تقتنعي من الشخص إللي أمامك (( زوجك )) يعني حياتك هذا بإختصار جنتك في الأخرة برضاة , طبعا أكيد عارفة إذا نام زوجك وهو زعلان عليك تلعنك الملائكة إلا الصبح , الله يجيرك ويبعدك عن غضبه ,
الله سبحانه وتعالى أباح لك زوجك يعني , هو الشخص الوحيد اللي تقدري تلبسي أمامه ملابس عارية , فلا تتردي أبدا إفتنيه بملابسك حاولي تجذبيه ولا تبيني له إنك راغبة بممارسة الجنس قبل مايطلبه منك , لكن أكثري من مداعبته , لاطفيه حتى لو كنتي زعلانة مثلي عليه حتى تملكية , ولا تستسلمي مهما طال الوقت فأكيد بتحين ساعة التغيير بس لا تستعجليها
بالنسبة في الجنس , إنتي قدام زوجك إمراءة بأحاسيسها ومشاعرها , إذا لقيك باردة جنسيا يمل حتى لو كان رغبان بشيء , حاولي إثارته جنسيا لأبعد درجة وأبتعدي عن الأساليب التقليدية , نوعي في أمورك غيري حركاتك بيني له إنك مشغوفة جنسيا وقتها وبالنسبة للخجل إمسحية من حياتك ذا زوجك يعني حتى لو تمشي في بيتك عريانة لك الحق قدامه .
ضحي له حتى مايحتاج أي شيء خارج بيته ,


نقطه مهمه الضم ..... ضميه في خروجه من المنزل ورجعته ترى كل البنات يجهلوا وش فوائد ضمة الرجل أو كيف يحس ... مع إنها أعض شيء لتحريك إحساسة (( محبة يعني ))


ملاحظة :::
الرجل كالطفل وأزود بعد يعني محتاج دائما للحنان
أسرع الطرق للوصول لقلب الرجل معدته فأكسبيها
قلب الرجل دائما كالصخر ولا يلينة سوى دموع المراءة فأستغلي دائما هذه فهي نقطة ضعف كل رجل وهو زوجك يعني مافيها شيء لو شكيتي من معاناتك وبكيتي عنده فلا بين الرجل وزوجته كبرياء أبدا .


وأرجوا أن تزوديني دائما بالنتائج لأنها في نقطة ببالي وخايف منها إذا مانفع هذا الكلام فالحل برضوا موجود بس فيه صعوبة والله يوفقك ويرعاك