رد: زوجي صدمني بجملة وتركت،حلت
اقتباس:
المشاركة الأصلية كتبت بواسطة ريتاج2016
اي طبعا وقت الزعل مستحيل اذكر له مواقف زينه لان همي مشكلتي الاساسيه اللي صارت .. بس الحين بما ان رضيت خلاص راح الكره المؤقت .. وعلى فكرة علقت ع موضوع الاستطلاع هل تختار نفس شريك حياتك < اخترت نعم وكتبت نععععععممم اكيد ومدحت فيه وقلت مع ان حاليا زعلانه ببيت اهلي والخ .. يعني وانا زعلانه مدحته .. وفيه موضوع اخر يقول ان البعض مايكتب المشكله بالتفصيل بل يخفي بعض الشغلات عشان الحق يكون معه وهذا اللي صار للأسف ومع هذا الكل طلعني غلطانه بس خلاص الحين تعلمت
|
بالعكس .. المفروض تستحضرين المواقف الطيبة وقت الزعل .. على الأقل بتقدرين تتحكمين في رد فعلج .. وبتقدرين تقيمين الموقف بشكل أفضل .. وهل المشكلة الحالية تستحق زعل كبير وهلّيلة .. والا زوجج له مواقف طيبة تشفع له وتخفف حدة ردة فعلج في المشكلة الحالية.
بعدين الزوجة الذكية هي اللي تنأى بنفسها عن كفران العشير قدر المستطاع .. إذا مب عشان الزوج فعشان رضا رب العالمين.
على كل حال ينحسب لج اعترافج بغلطج وإنج تعلمتي من اللي صار.
موفقة.
__________________
اللهم طِيبَ الأثر .. وحُسْنَ الرحيل.