يسعدلي صباحكن وصباح الوزن المثالي والاكل الصحي ⚘⚘⚘

بالفعل اخي الكريم نيت مان كلامك مية بالمية وهالشي عطول ببالي ومرات بيأنبني ضميري بس اكل وانا فرحانة بالأكل المفضل عندي بحس بغصة
وبذكر مرة حكيت بالكوفي انو عملت محاضرة لابني الكبير انو يشوف عاليوتيوب كيف الاطفال بالصومال وغيرها من البلدان اللي بتعاني من نقص بالمواد الغذائية
ونزلت دموع ابني ودايما بيحمد ربه وبيشكره هو واخواته عالنعم اللي بين ايديهم ولو كانت شيء لا يذكر بس ممكن تكون شيئ كبير بالنسبة لغيرهم
والحمية المفروض الكل يتبعها بمعنى يحمي نفسه من التبذير بالاكل لانه اكيد رح يعكس سلبا على صحته
ويضل ضمن المعقول

ومرات الانسان ما بيقدر يحافظ على وزنه رغم قلة اكله وهالشي بيرجع لطبيعة جسمه والمشاكل اللي بعاني منها

المهم يا صبايا من فترة جارتي شافتني وكنا عم نتحدث وخبرتها اني بدي نزل ثلاثة او اربع كيلو فقالتلي بس ضعفانة
قلتلها بس وزني بعده نفس الشي
وهالكلام عم يتكرر من كذا شخص
المهم بعد اسبوع بزين حالي لانو هالايام عم أحرك كتير من كثرة المشاوير لخلص بعض الامور
وطبعا الاربع كيلو بدي نزلهم كرمال الاكل بلبنان بيختلف عن الاكل اللي بعمله فإجباري رح يكون في مقالي ودهون وحلويات عربية ومطاعم فالوزن رح يزيد لا شعوريا


وهيدا غدانا البارحة



فأكلت صحن التبولة مع الخس
وصحن السلمون واتحليت بملعقة عسل مع قطعة خبز
لاحظوا كيف كان سماكة رغيف الخبز وكيف بصير بعد ما شيل كل اللب
فهيك وجبتي كانت بتشبع وبنفس الوقت ما اخدت سعرات حرارية عالية

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه