نفسيتي تعبانه بسبب صديقتي
السلام عليكم ورحمة الله وبركاتة
ارجوكم تساعدوني وتشيرون علي وش اسوي
انا انسانه ماعندي الا صديقة وحده وارتاح لها واحبها ومتعلقة فيها لدرجة ماتتصورونها وهي كانت نفس الشي متعلقة فيني وتحبني وتهتم فيني وتفرح لفرحي وتحزن لحزني وتساعدني وتواسيني ووعدتني نبقى مع بعض لين نمووت وانا نفس الشي وعلاقتنا دامت 10 سنوات هي طبعا متزوجه وماكان عندها عيال وكنت ادعي لها وابكي عشانها والله العظيم اني احسها اختي واكثر من اخت والله يشهد ع صدق مشاعري لها وبعد 3 سنوات من زواجها جابت تؤام ومن جابت هالعيال قلبت علي وبدأت تهملني ومشاعرها صارت بااارده معي واذا عاتبتها ترجع فترة ثم تقلب علي انا تعبت معها ومن تقلبات مزاجها هذا غير كلامها اللي صاير يجرح وتطلعني بكل مرره غلطانه بالرغم انها هي اللي غلطانه .. كنا ندعي لبعض نهتم لبعض حتى اخر مشكلة لي صارت لي ( طلاقي ) ماوقفت معي مثل وقفاتها كانت بااردة ولا تهتم لنفسيتي ولا تسالني زي ماكانت والحين من 6 شهور وهي قالبه علي تخيلو لدرجه انها قاطعتني 4 شهور ماتكلمني وتطنش اتصالااتي وكلامي معها وتنافخ علي وشايفه نفسها وتتشمت فيني اني فاضيه وماعندي من يشغلني وجلست اراكض وراها لين رجعنا لبعض وجلسنا مع بعض 4 شهور واحنا بخير ومهتمين لبعض والحين لها اسبوع تقريبا وهي مهملتني ومطنشتني وتتعذر بالنوم والعيال وهي تصرفني وماعاد يهمها وجودي ولما اعاتبها تطنش كلامي وترد بكل برود وتهمل مشاعري لدرجة صارت تقول لمشاعري انها ( دراما ) وتحسب اني امثل عليها وطلبتها نتراضا ونتسامح قبل يوم عرفة ورجعنا لبعض يوم عرفه بكل محبة واهتمام ووعدتني بحلف عظيم انها تهتم فيني وتشاركني كل شي زي ماتعودنا وتترك برودها بس اشوف منها الصد والبرود ولما انتهى العيد بدأت تطنشني تحيلو طول اليوم ساحبه علي وجايه تتعذر انها نايمه وانا اعرف نظامها ونظام حياتها مستحيل تنام العيد صايرة تجرحني كثيير بتصرفاتها واهمالها وتطنشيها وكلامها تشوف نفسها متفضلة علي وتشوف الوضع عادي واني الغلطانه ليه اعاتب والوم .. ماعاتبتها الا من محبه صادقه واتمنى ترجع لي زي ماكنا وافضل لان ربي يعلم ويشهد انها الصديقة الوحيده لي واني صدقت معها بمشاعري وقلبي واحساسي وعقلي ..والمشكلة والله العظيم اني ماسويت لها شي ولا اذيتها ولا ضريتها ..
( لاتقولون العيال ومشاغل الحياة اللي يحب بصدق بيعطي بيصدق وبحب وباخلاص ووفاء مهما كانت الظروف ومهما صار ) .. 💔
حتى العيد انا اللي عايدتها برساله حلوة وعبارات تدل ع محبتي وسعادتي بقربها وكان ردها باارد جدا حتى ماعايدتني لين عاتبتها وبالاخير ارسلت اقرب صورة من النت تعايد وفيها كلام عاااادي ماكاني اهمها ..
شورو علي وش الحل معها عاتبت ولمتها قلبت علي
واذا سكت وطنشت تمادت علي بتصرفاتها هي مو حاسه فيني ولا بالنار اللي بقلبي ..
هل تصرفاتها تدل انها ماعاد تبيني ؟* تتوقعون ملت مني وعافتني ؟
او تتصرف هالتصرفات عشان امل منها واتركها ؟
اتركها وربي بيعوضني ؟
بس ذبحتني الوحده والهم والتعب والضياع والحزن مالقيت لي انسانه وفيه تساندني وتفرح لفرحي وتحزن لحزني نست اني انسانه احس واشعر واهتم واحب واتمنى
الله يسعدكم شورو علي انا تعبت من هالوضع معاها محتاجه نصيحه صادقه ومحتاجه احد يوقف معي وش اسسسوي الله يخليكم ؟؟
يارب ان كان علاقتي معها خربت وماعاد تحبني ولا تبيني يااارب عوضني بصديقة صالحه وفية 😭😭
والله العظيم اني اكتب لكم ودموعي ع خدي وعجزت اسكت وارتاح ذبحني التفكير وتعبت من همي لوحدي معقولة عشرتنا ومحبتنا سنين هانت بنظرها وماعاد تعني لها شي ؟
التعديل الأخير تم بواسطة هدوء مبعثر ; 22-08-2018 الساعة 05:46 AM