تعبت من المشاكل ابي حل
السلام عليكم
ورحمة الله وبركاته ..
ابغى افضفض مالي الا انتو وماحب اتكلم عند أهلي وماحب أحد يسأل عن حالي بين فتره وفتره ولاااحب نظرةالشفقه من أهلي .. مالكم بالطويله ..
--------------------------------------------------------------------
أنا خريجه بأذن الله وعندي أختبارات وزوجي يدور علي الزله في كل شي قبل مذاكرتي ارتب وأنظف وابخر وانظف ولدي واحلى مكان يكون ثم أخر شي اذاكر ..
صار في البدايه خلافنا عن أنو لاتخرجت بكمل الماجستير وهو رفض قلت له أني بكملها هنا مو مكملتها بالرياض .. شوي شوي مابين موافق ورافض .. هنا الموضوع عندي جوال جديد هو اشتراه لي وحطيت ايميلي القديم فيه وهو حاط ايميل احتياطي على رقمه وصرت أنا دخلت ايميلي ورقمه وفتح لي ايميله كييف ماادري ..
وحط السالفه على راسي أنو اتجسس عليه مره ثانيه وصار يدعي علي ويقول انتي كذابه وانتي وانتي ..
وقد مره ومرتين وثلاث كشفتو انو عندو بنات وزعل وصار يقول لي انتي تبغين تكشفيني مره رابعه يعني قلت له غلطك انت مو ذنبي تغلط الغلطه وتحملني مسؤوليتها وانت تدري ان الايميل برقمك لاتتنكر وصار يكذبني ويقول مراراح اصدقك ويدعي علي مررره متضايقه وكسر لي قلبي وجا من دوام خذ جوالي وخباه في صندوقه والله مالي مزاج اذاكر ولا حتى افتح شي 
مهمومه شورو علي هو عصبي ومايحب أحد يتفاهم معه والله طقيييت شبعت خلاااص من المشاكل قلبي صدى منه
شي يقول لي روحي بيت اهلك وشي يقول لي اجلسي عندك ولد ..
ابغى رأي حكيم كيف اتصرف معه ؟؟؟
__________________
قــل للذي آذاك إن الله لاينسى