في البداية شكراً عالموضوع
لكن الأناقة مو بس طريقة اللبس لا
لزم يكون في تنسيق جيد في الألوان
فإذا كانت بذلة رسمية لازم يهتم بالألوان إلي تناسب لون بشرتة
و إذا كان اللبس بنطلون و بلوزه
فالدارج في البنطلونات
1/ جينز أزرق بأي درجة
2/بنطلون قماش بيج يكون شوي غامق
3/ برمودة (لاهو شورت ولا بنطلون منت عارفلوة)
**
و التوب (البلوزة)يختلف
1/لو جينز أزرق يركب معاة إي لون (لاكن لاتلبس نفس لون الجنز)
و مع الجنز و البلوزة ممكن تلبس جكية كمان لون مختلخ (عز الله سرت بغبغان)
2/ممكن كمان تلبس الجينز مع قميص
(( إيش الفرق بين القميص و البلوزة))
((القميص أبو أزارير و البلوزة لا و تسمى =Te Sharts))
سعر الجينز و البنطلون و البرمودة الكويس من 75الي 500ريال سعودي ليش (عشان ماركة)
و سعر القميص و البلوزة من 35 الي 150ريال سعودي
**
الجزم و الأكسسوارات
الجزم دحين هيا اهم شي مع الجنز
و حبذا لو كانت (CAT أو Puma) و طبعا هذي سعرها يتراوح 250 الي 500 ريال سعودي
الحزام كمان الحزام مهم في هذا الوقت و ممكن تلبس حزام أبيض أو أسود أو أزرق
و المهم في الحزام البكلة فهيا تححد سعر الحزام
فا في بكلة أليكترونية يعني تكتب إلي تبغاة فيها (أسمك رقمك)
و أسعار الأحزمه العادية من 35 الى 100 ريال سعودي
و الأحزمة الأليكترونية من 150الي 300 ريال سعودي
الإكسسوارات الأخرى مثل الأساور و السلاسل و الساعات
طبعاً هذي صعب أتكلم فيها الأن لها نوعيات و أشكال مختلفة
لاكن أسعار الأكسسوارات من 5الي 100ريال سعودي
الكوافي تختلف من أشكالها و أحجامها
لاكن رجعنا الي أيام الكابات(الطربوش أبو مضلة)و أسعارها من10الي100ريال
و الساعات طبعاً كلاً و ذوقه بس أنا ماعندي خبره في أسعار الساعات
***و طبعاً تختلف طريقة اللبس من الصيف الى الشتاء***
أما الثياب و الغتر فهاذا اللبس الرسمي و كلنا نعرفة
و هذي بعض النصائح في الأناقة
بس أهم شي أن الجسم يكون متناسق (مو كال جزء في جيهه)
و شكراً