الله يصلح الحال
بصراحة يعني ليه مدة اليد؟ مهما كان ومهما يكن ومهما يصير لا تمد يدك
الالفاظ العراك وووش مايصير عادي كلها عادي لكن الضرب تحته مليون خط
ترا يكسر اشياء كثير حتى لوها تحبك وتموت فيك قالت هذا ضربني بكرة بيضربني عشر
لازم لازم تمسك نفسك عن هالشي والمفروض من الاساس ماتوصل له
حتى لو هي استفزتك وحسيت انك بتنفجر اقل شي ابعد عن المكان لا تمد يدك
الخبر المفرح والامر المرضي انك فعلا حاس بغلطك وهذا بحد ذاته امر ممتاز لانك احسن من غيرك بالف مرة
يعني هنا نقطه بداية التغير ..
انت حاولت وقابلت وكل شي سويته لحد الان اشوفه صح
وماشاء الله عليك , يكفي انك متمسك بعائلتك وماتبي الشتات اهنيك صراحة
والله يلم شملكم ويوفقكم ويسخركم لبعض ويعطيكم على قد حسن نيتكم
هي الان متألمة مجروحة متضايقه وحاسة بالضغط من طرفك وطرف اهلك
لازم تختلي بنفسها شوي .. صدقني الامور تتصلح .. وبترجع ان شاء الله
انـــا اشــــوف انك تعطيها مساحة شوي , لاتتلصق كثير , يعني لاتبعد فجاه لا!
انت عطها خبر اني قريب حتى لو بعدت وامورك ومصروفك واي شي تحتاجينه تامرين عليه
لكن انا حاولت فيك وانتي مو راضيه وانا متمسك فيك والطلاق مو من قاموسي
واذا انتي تحتاجين فتره ترتاحين وتبعدين رح اعطيك المساحة الكافية وانا هنا ماني بعيد
قلها كلام يشفي القلب ويرضي الخاطر وابعـــــــــــد , بجد عطها مساحة تنسى شوي
خلها شوي تجمع نفسها وتقدر ترجع لك , لان حتى لو ضغطو عليها اهلها اللحين بترجع لك بدون نفس وبتزيد الطين بله وبتزيد المشاكل وبتحتري منك الزله
خلها ترجع بقناعتها وبرضـــاهـــا
وانت لاتفكر بالموضوع كثير , لاتسمح لنفسك انك تتضايق
حاول تنشغل باي شي , واذا بديت تتضايق علطول اشغل نفسك باقرب شي
تصدق كثير ترا الصدقة مفعولها جبار و فكر انك تسافر مكة تعتمر لو وترجع لو يوم واحد وادعي ربك لعله يستجيب دعائك

الله ييسر اموركم