منتدى عالم الأسرة والمجتمع - عرض مشاركة واحدة - طعام الطفل عمره سنه ونصف
عرض مشاركة واحدة
قديم 19-09-2007, 01:01 PM
  #5
chocklet
عضو جديد
تاريخ التسجيل: Sep 2005
المشاركات: 43
chocklet غير متصل  
صباح الخير
يا عزيزتي ابنك ما شاء الله كبير يعني بقدر ياكل من الأكل العادي اللي بنطبخه
يعني بدي اعطيكي مثال انا ابني عمره سنه وشهر تقريبا . بيفيق من النوم بدري يعني الساعه ثمانيه تقريبا , عند الساعه تسعه بفطره ممكن اي اشي يعني صحن كورنفليكس او كعك مع حليب او ممكن حتى اسلقله بيضة واطعميه اياها وطبعا بعدها عند الظهر لما بده ينام بيشرب حليب. وبعدين لما يصحى من النوم بيكون جيعان كتير بغديه , طبيخ من الموجود يعني اذا كنت عامله اوزي او كبسه او ملوخيه او فاصوليه ... اي اشي بس طبعا يكون ناعم الاكل ( مهروس شوي باالشوكه ) والكبسه والاوزي بحطله عليها لبن رايب . وبعدين العصر ممكن اطعميه فاكهه او بسكوت او اي اشي يتسلى فيه والمغرب لما يصحى من النوم بطعميه كمان مرة طبيخ علشان بشبع لانه الاطفال ما بيشبعوا الا من الطبيخ , ابني بيحب يشرب حليب كتير يعني خلال النهار ممكن يشرب 4- 5 مرات حليب . طبعا هادا النظام أخد وقت وجهد مني لا اتعود عليه ابني لانه كان من شهرين تقريبا معتمد بشكل تام على الحليب ولا يقبل ياكل بس حاليا والحمد لله اتحسن حاله .
انتي حاولي جعل وقت الاكل ممتع مثلا شغليله التلفزيون على الرسوم او اغاني الاطفال , خليه يلعب بألعابه في وقت الاكل لان الاطفال في هذا السن بيكون بالهم على طول مشغول في اللعب . انا وانا اطعمي ابني ما بحطه في كرسي الاكل لانه بيزهق وبيبطل ياكل بخليه يلعب في العابه صحيح الارض كلها بتصير أكل بس بعينك الله على التنظيف بعدها المهم انه ياكل ويتعود على الاكل . طبعا مابدي انسى احكيلك انه ممكن اوقات ما بياكل كل وجبته او حتى ما بيرضى ياكل بالأساس طبعا حسب وضعه الصحي , يعني ممكن ايام يكون مريض او متوجع من اسنانه لانها فترة تسنين متل ما بنعرف .
والله يخليلك اياه
__________________
احساسنا الجميل تجاههم ...
أن لايصل اليهم أبدا ...
خير من يصل بعد فوات الأوان ...