السلام عليكم ورحمة الله وبركاته
جزاك الله الف خير على ماتقدمه من خير جعله الله لك وقاية من النار
انا حابه افضفض من مشكلة المشاكل عندي اللي ماعمري لقيت لها أي حل مدري ليه
انا ما أبغى قسوة لأني أبغى حل ابغى اعرف انا ليه ما اقدر احافظ على صلاتي المكتوبه انا كبيرة ماني صغيره
انا متخرجه من الجامعة أخاف اموت وانا على هذي الحالة فيني خير لكن وش الفايدة وانا ما أصلي
أمس عقدت العزم على الصلاة وبس صليت الفجر وباقي الصلوات يروح الوقت وأنا اقول أتحدى نفسي يطلع وقتها وانا
ماصليت وفعلا يتحقق التحدي وما أصلي مرات أشعر بالندم ومرات قلبي ميت ليه أنا كذا أحس اني بهيمة اسفه على التعبير
وش فرقي عن المخلوقات والكائنات الاخرى الاقل درجه من الانسان إذا ما صليت
والدي رجل الرجال هل فيه امل اني احافظ على الصلاة عمري ما كملت شهر وانا اصلي !!!
متى بأرتاح واحب الصلاة متى؟
__________________
سبحان الله وبحمده..سبحان الله العظيم..