السلام عليكم ورحمة الله وبركاته
وزنك 80 وعايزه تعملى ربط معده!!!!!!!!!!!
طبعا لو رحتى لمليون دكتور ماحدش هيرضى يعملك ربط معده لأن العمليه دى بتتعمل للى فوق ال 100 كيلو ولها مخاطر
انتى مالكيش الا الرجيم والرياضه صدقينى هو ده حلك والا عمرك ما هتنزلى حتى لو ربطتى معدتك عارفه ليه لأنك هتأكلى برده بدل ما تأكلى وجبه كبيره وتخلصى هتأكلى طول الوقت لأنك متعوده على كده
انا كنت زيك كده بآكل وأنا مش حاسه بأى جوع ( طفاسه يعنى) لحد ما معدتى وجعتنى وبقى عندى ارتجاع فى المريئ يعنى كل شويه الأكل يطلع لفوق وتاعبنى جدا وزاد وزنى بشكل مقرف وفى الآخر ما لقيتش قدامى حل الا الرجيم والرياضه وصدقينى وزنى قاعد ينزل ببطئ رهيب لدرجى انى لو ما عنديش اراده ومصممه كنت سيبت نفسى على راحتها لأنى نزلت فى شهرين واسبوع خمسه كيلو فقط لكنى مصره على النزول باذن الله وربنا يسهل
انتى انضمى لنا فى موضوعى (كيف انزل من وزنى) وخلينا نشجع بعض وان شاء الله ننزل كلنا بصحة ومن غير تعب
وممكن تروحى لدكتور/ه تنزل لك وزنك من دون حرمان يعنى تسألك انتى بتحبى ايه من الأكل وتضعه لك فى وجباتك بس تحدد لك الكمية وانتى تلتزمى بيها وربنا معانا أجمعين ويارب نخس.
الا انتى طولك كام؟