رد : من اكثر واحد يجيب هدايا الزوج او الزوجه
اقتباس:
المشاركة الأصلية كتبت بواسطة RAOUF&RANA
بتسالى مين شوك ولا هيرو ..
اصل كل واحد ليه تفسيره
بكره سلطان لما يودى حاتقولى مسكين ماصين دمه
ولما مهره مايجيلهاش حاتقولى داخل خارج منفض ايد ورا وايد ادام
|
صباح الفل يا خالو .. فينك مش باين اليومين دول؟
لعل المانع خير.
.
.
.
والله يا خالو ما كنتش أعرف إن الراجل لما يجيب هدية المفروض يعمل إعلان عند أهله!!
الهدية المفروض شيء خاص بين الزوج والزوجة .. وبالتالي محدش له دعوة ولا المفروض يعرف أصلاً إذا كانت ماصة دمه والا لا!!
لكن على كل حال .. هحيكي لك حاجة حصلت من فترة قريبة.
كنت باتكلم مع ماما عن طقم دهب نفسي فيه .. وقلت لها إني ناوية أشتريه من فلوسي بس المبلغ اللي معايا مش هيكفي وهيكون ناقصني حوالي 4000 تقريباً .. وقبل ما أكمل وأقول لها أنا ناوية أوفر المبلغ الباقي ده ازاي .. قالت لي: عادي أبو سلطان يدفعه .. وانتي تستاهلين أكثر من جذي.
لاحظ إن الست بتتكلم عن ابنها.
عموماً .. مش شايفة إن في مسكنة في الموضوع.
الولد المفروض يكون عنده شوية ذوق وما يعملش نفسه مش واخد باله من أهمية الهدية .. والبنت المفروض يكون عندها شوية تقدير وما تعتبرش الهدية شيء إجباري وتهد الدنيا لو زوجها أو خطيبها ما أهداهاش.
وفي نفس الوقت اللي بيحب شريكه يهديه .. المفروض هو كمان يهديه
__________________
اللهم طِيبَ الأثر .. وحُسْنَ الرحيل.
التعديل الأخير تم بواسطة مهره ; 01-01-2015 الساعة 11:32 AM