السلام عليكم ورحمة الله وبركاته
انا انسانة مو فاهمة نفسي عشان افهمكم مشكلتي أصلا !
انا اقرر الف قرار بالثانية واذا قررت اخاف خوف واتضايق وانا انفذ قراري وبعد ما انفذه اندم واتحسر حسرة مو طبيعية

وطبعا ما يخفى عليكم ، مثلا اوعد احد بعطيه شي ببيعه شي بروح معاه لشي
وفجاءة احس بندم وتحسر على كلامي ..

حياتي احس انها كلها خيارات سلبية وخاطئة ..
لاني فشلت في كثير من تفاصيل حياتي !

انا حاليا ناجحة ماشا الله ، تجاوزت طلاقي ، تزوجت ، وانجبت ، موظفة ، واشتريت منزل ، وما اخفيكم احس بحسرة الوم نفسي مليون مرة اقول يارب انا قراراتي هذي صح والا غلط !!

مو قادرة استمتع بحياتي من كثر المحاتاة
وشلون اقدر اهدي نفسي من الداخل !

وعندي متلازمة التفكير بالموت
افكر بالموت كل الوقت ، وبالذات باللحظات الجميلة واقول للاسف بنموت ، وافكر بتفاصيل ما بعد الموت وتفكير قد يصل بي لتساؤلات بلا إجابة عن عالم البعث والحساب ومصير الاموات والله انا نفسي افصل مخي عن التفكير المرهق قليلا ..

عاد انا شخصيتي باردة جدا ، مدري ليش منحرقة من جوى !
افيدوني يا اهل الاختصاص الله يرضى عليكم