رد: ايش سالفة القيمات
اقتباس:
المشاركة الأصلية كتبت بواسطة زين ابيها
مبارك عليج الشهر حبيبتي
شوفي القيمات استخدمي له حبيبات الخميرة
مو الخميرة البودرة
ونوعية الطحين المُستخدم بعد له تأثير
استخدمي مال المطاحن الكويتية طحين بالخميرة
آنه احط لكل قلاص طحين بالخميرة .. قفشة شاي حبيبات الخميرة
ولا تنسين الزعفران وشوي السكر
بعدين خليه نص ساعة عالاقل يتخمر في درجة حرارة المطبخ وغطيه زين ما زين...
وضروري ضروري ضروري
تستخدمين المُقلى غززززززير غزير وتخلين الدهن راااهي
خليه دهن وايد غزير وخليه يصير حااار من يبتدي يحتر قصري على النار شويه
واذا بغيتي شكل واحد للقيمات .. خلي طاسة ( ملة ) دهن يمج واستخدمي قفشة اكل .. غطيها بالدهن وحطي فيها العجينه واقليها
.. جذي بتطلع مقرمشة من بررره ومن داخل يمييييي
ومن تخلصين القلي لا تغطينه بشيء عشان لا يهفت
|
والله يازيون اعرف كل اللي قلتيه واسويها نفسها
بس تدرين ايش المشكله
انها ماتنتفخ وتصير مطاط ومرات بنفس الطريقه تنفنخ شحلاتها
__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم