سويتها الف مرة من كثر ما احبها وكل مرة تطلع كائنات فضائية 😅
لحد ما اخيرا ضبطتها

جربي عجينتي بتضبط من المرة الاولى ان شاءالله


كاسين طحين كويتي
ملقعه كبيرة خميرة
ملعقتين كبار حليب بودرة
فنجال شاهي زيت
كاس ماء
يخلط باليد ويترك يخمر ساعه وقبل القلي ملعقتين كبار نشاء وبيضه


- جهزي مقلاة فيها زيت غزير ويكون حاررر لازم يكون حار ، شلون تعرفين انه حار اذا حطيتي الحبة وارتفعت ع فوق يعني حرارة الزيت مناسبة .. اذا حطيتي الحبة ع الزيت ونزلت تحت مارتفعت يعني الزيت بارد.

- خلي جمبك كاس فيه ماء وزيت مخلوطين وكل مرة غمسي الملعقة بالكاس بعدين لقمي فيها .. افضل ملعقة هي ملعقة باسكن روبنز 👍 .

- امسكي الملعقة بيدك اليمين والعجينة بيدك اليسار واضغطي ع العجينة حتى تطلع زي الكورة بين اصبعك الابهام والسبابة 👍 وكل حبة سوي نفس الحركة امسكي عجينة بيدك واضغطيها حتى تطلع الكورة بعدين عيدي الحركة .

- وقت العجن حاولي تضربين العجينة بقوة وتدخلين بالعجينة هواء

__________________
سبحان الله وبحمده ، سبحان الله العظيم