رد: اشتقت له وما ودي ابادر بال
اختي ترى فعلاً الريال يطفر ويمل اذا شاف زوجته دايماً تعبانه
وانتوا من تزوجتوا عشان الحمل وما ارتحتي بين الحملين اكيد بتكونين اغلب وقتج تعبانه من الحمل ولا من الولاده والبيبي
اول شي
اهتمي بصحتج عدددل مافي اغلى من العافيه ولو طحتي لاقدر الله مايقدر ريلج يعطيج من عافيته
بعد ماتربين بالسلامه ان شاء الله اخذي مانع لازم ترتاحين شوي وتريحين جسمج وتجابلين ريلج بعيد عن التعب والمواعيد بالمستشفيات
يمكن ريلج طفران ومضغوط عشان جي هذه طريقته واسلوبه
ماعليج هذه فتره وتعدي ان شاء الله
بخصوص ذكرى الزواج خلاص لاتكبرين الموضوع
اذا ما اهتم شو يعني
صدقيني ترى ابدا مو دليل انه مايحبج
عادي يوم زواجنا يمر وريلي مايتذكره ومب بس انا
وايد حريم اسألهم ونفس حالتي
ف ليش اييب المشاكل والزعل والنكد عشان ذكرى زواجنا
يمكن هو فعلا مايبغيج تتعودين على يوم في السنه ولازم هديه وحاله
يمكن مايحب يتقيد
ويمكن يخاف انه ظروفه ماتسمح وقتها اييب لج شي
خبريه مثلا انه تبين هدية ولاده
وخبريه تغيرون جو في فندق مثلا قبل الولاده
ولا اتيبين طاري ذكرى الزواج اذا حسيتي هالامور ماتهمه
لانها فعلا اختي غير مهمه لاستمرار الحياة الزوجية
وبخصوص المبادرة ترى عادي ياما حريم يبادرون
والموقف اللي صار
يمكن ريلج يشوف انه مب غلطان
واللي صار عادي
دام مشتاقة له اتصلي فيه واسألي عنه بعيد عن الزعل والعتاب والمحاسبه
التغلي ماينفع دايماً
صدقيني وتذكري هذا الشي دايماااااا
الريال يحب المرحه اللي ماتدقق وتحاسب وتعاتب ،، ويكره النكديه
اهتمي حالياً بس بصحتج انتي والبيبي وفي بنتج
وعقب ماتربين بالسلامه ان شاء الله
ارتاحي ريحي جسمج
وجابلي ريلج