منتدى عالم الأسرة والمجتمع - عرض مشاركة واحدة - زوجتي تغادر البيت الى بيت اهلها
عرض مشاركة واحدة
قديم 04-11-2008, 12:29 PM
  #15
msakz
عضو نشيط جدا
تاريخ التسجيل: Jun 2006
المشاركات: 262
msakz غير متصل  
اختي اميرات ..
القصه تضحك بس باحكيها، هي طبعا متوتره لها فترة ودايم زعلانه خاصة من بداية الدراسة، بس اللي صار قبل امس انها كلمتني على المكتب وقالت بتتأخر قلت تغدو انا تغديت، زعلت وقعدت تدعي علي، كيف ماابلغها اني تغديت وهي تنتظرني وميته من الجوع.
زعلت صراحه، ورحت البيت، ومن اول مادخلت البيت، استقبلني ولدي الصغير، وراسة مجربع حلقته بالمقص ولعبت في حسبت امه، المهم اني زعلت، وهي جايه تضحك من المطبخ، قلت الله لايبارك فيك، اول تدعين علي للغداء وبعدين تجربعين الولد، راحت غرفة اولادها وقعدت زعلانه، وتقول انت مو زي ابوك شوف وش يسوي معا امك، قلت طيب صيري زي امي اول،
جلست تدعي علي، بالموت ومدري وشهو، اخيرا انا هديت شوي، وبعد ربع ساعه رحت اراضيها وابوسها، لقيتها مطنشة ومسويه مره، ولو سمحت ابعد، وتكلم اهلها، ومطنشتني.
تركتها شوي ورجعت وحاولت اراضيها سمعت منها كلام زي السم، وانها عارفه ان حياتنا انتهت من زمان، وجلست تسمع لي ملفات قديمه من يوم زواجنا.
يابنت الحلاال ، هدي، تعوذي من ابليس، قالت وخر عني، المهم مسكتها وحاولت اهديها، قالت الله يرحم والديك ارحمني وطلقني، انت ماتستحقني،
راحت بتنام في غرفة الاولاد ، ورحت انا خليتها تنام معاي في الغرفه، ونمنا عادي، وديتها هي وبنتها المدرسه نفسها، وهي زعلانه ماتكلمني الا من طرف خشمها، رجعت اخذها من مدرستها لقيتها، راسله لي رساله انها في بيت اهلها، يعني اخذها اخوها من المدرسه وراحو البيت واخذو اولادها.
__________________
المستريح الي من العقل خاااااالي