السلام عليكم ورحمة الله و بركاته
ااااخ .... الله يؤجرنا على هالتعب
موانع الحمل و الدوخة ........... المهم
انا ولدت قيصري من 5 شهور و ضلت عندي خربطة في الدم و خبايص يادوب وقف قبل اقل من شهر
و شوية خرابيط في الدورة وهيك حكي ولما رحت الدكتور الي عارف كل بلاوية وحالاتي خخخخ
قلي اياكي تستعملي الحبوب الاحادية ولا اللولب حيخبصلك الدنيا
القذف الخارجي غير مضمون ...
والكوندوم كمان
لكن قلي حاولي تمشي حالك فيهم لغاية ميصير ابنك 6 شهور ويبدا ياكل و يتغذا غير الرضاعة الطبيعية
وقتها مابضرو تاخدي الحبوب المركبة الي حتنظملك الامر و تريح نفسيتك ههه و تنظم الدورة وتقلل نزول الدم الي مالوش تفسير ولا معنى هادا
قللي قبل ال6 شهور افراز الحليب غير منتظم او غير مستقر يعني يتاثر بالمؤثرات هي
والطفل يرضع عطول الوقت
بعد 6 شهور يتاثر اقل بكون استقر
صح افرازه بيقل شوي لكن الطفل تخف رضاعته اصلا و تدخله اطعمة خارجية واهم فترة رضاعة خالصة في حياة الطفل اول6 شهور وقتها ياخد المناعة والفائدة المطلوبة من الحليب بعد هيك منيح و زيادة و خير وبركة لكن اهم شي اول 6 شهور
فشو رايكم ياجماعة الخير اتوكل على ربنا
كل شي مخربط وعايزة انظم اموري اففف كل مرة اولد لازملي شهور من القرف والمعاناة في هالمجالات
انا الدورة القادمة حروحلو يصرفلي الحبوب
وبكون ضايل لابني يمكن هيك اسبوعين ويصير 6 شهور او اقل اسبوع او 10 ايام
ودخلو الاكل والسيرلاك وقتها واحافظ على مدرات الحليب بشكل مكثف الحلاوة والينسون وهي الحجات
وصراحة انا اصلا بعد ال6 شهور تتضائل الرضاعة و الفطام عال10 شهور يكون اول مرة بسبب الحمل تاني مرة بنتي بتحب العدل فطمت حالها من حالها
وهادا مابعرف كيف النظام
وانا حريصة امنع الحمل جدا جدا عشان وضع ابني محتاج رعاية و تفرغ وعشان ولادة القيصري وعشان مخي مايضرب وبدون شي لازم انظم الحمل
اتوكل على ربنا ؟؟؟
هية تؤخذ ضروري 5 يوم الدورة؟؟ وبعد كم يوم من بدئ الشريط اول مرة تصير فعالة؟
وازا مافي دورة كيف ممكن تؤخذ وبعد اديش يصير فعال؟
وسامحوني الي متابعني من بداياتي بكون هلأ قرف سيرتي لاني كل ولادة لازم ادوخ هالدوخة
بس الي الله و من بعده انتم
ساعدوني و اتحفوني الي جربت نفس الشي شو صار معها
انا صراحة كل مرة باجي على نفسي وبقول عشان الاولاد وعشان الاولاد
بس قلت المرة خليني اهتم بحالي عشان نفسيتي ترتاح واريح الشعب الي ورايا و منع الحمل مهم عشان ابني
دعواتكم
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت