الأيام تعدي بسرعة يا اختي اكليل، فلا تتاخري وتاجلي الامور، 8 شهور مدة طويلة ، ما ابغيكي تندمي على حاجة ، فأنا أشوف الأحسن ترجعي لزوجك ،وتتركي الدراسة، إشغلي نفسك بشغل البيت إذا ما في شغالة عوضا عن الدراسة لأن شغل البيت كثيير ما ينتهي ، وممكن تتعلمي فنون أو خياطة أو شي تحبيه عن طريق دورات وكذا ، لان غرضك من الدراسة هو الملل من الروتين أو الجلوس فالبيت بدون زوجك لفترة طويلة وهذا يسبب الملل.
أما الدراسة ،فأنا صديقتي كملت دراستها مع رضا زوجها لكنها تعبت كثير من الحمل والولادة والأطفال وشغل البيت والحين هي جالسة فالبيت ما سوت شي بدراستها، وهي ندمانة على هذا الوقت اللي راح.
العودة لزوجك ممكن تكون صعبة عليكي، لكن انتي راح ترجعي عشان زوجك، وطاعته واجبة، وهذا الشيء بيرضي ربنا ، واذا تركتر شي عشان ربك الله بيعوضك شي أفضل منو ،وممكن هو ما يقدر يصبر أكثر عن كذا ويتزوج ، ويكون عندك ضرة ، وكذا ما راح ترجع حياتك زي أول، وأنا أشوف كلما طالت المدة تباعدت القلوب، فلا تطولي زيادة حبيبتي.
خططي لعودتك ، كيف بترجعي وشو الكلام اللي حيكون بينكم أول مرة، لكن لا تجيبي طاري الدراسة،واذا سالك ليش رجعتي مرة وحدة مثلا لازم تعرفي كيف تجاوبيه، مثلا تقولي ما هنت علي أو شي أفضل يلين قلبه ويزيد حبه تجاهك، وان شاء الله ترجعوا زي أول وأحسن ،ونحن ندعيلك خصوصا في شهر رمضان الفضيل وطمنينا عنك حبيبتي.