اتفاقات تكون من بداية الزواج بينهم.. عشان من البداية كل زوجين يشوفون هم يناسبون بعض أو لا..
ومو شرط بالفلوس، من البداية يتفقون على المسؤوليات بشكل عام.. يعني مين بيطبخ وينظف ويرتب البيت؟! مين بيجلس مع الأولاد (لو كانت موظفة) ومين بيدفع راتب اللي بتجلس مع الاولاد؟!
قد يتفقون من البداية أيضاً على موضوع الخروج بوقت متأخر، سفر الزوج للخارج للسياحة أو العمل (بعض الزوجات تصر على اصطحابها سواء هذي والا هذي)،
أما الأمور المالية فمن البداية يتفقون عليها لأن إن جينا للصدق أكثر الخلافات هالايام عليها
مثلاً مين اللي بيدفع قيمة الأثاث؟ وبعد كل كم سنة يتغير؟! من اللي بيدفع راتب الخادمة؟ مين بيدفع فواتير الجوال؟! مين بيدفع مصاريف السفر؟! مين بيدفع مصاريف سيارة + سائق الزوجة؟؟
مين بيدفع مصاريف الهدايا اللي بيقدمونها للناس بالمناسبات؟؟
ولو كانوا بيتشاركون كيف يكون الدفع وهذي نقطة جداً مهمة..

مثلاً ببيتي لنا أنا وزوجتي حساب مشترك يشمل جميع مصاريف البيت والسفر والخادمة والسائق..
شهرياً أدفع 80% منه وزوجتي 20%..
لو زادت رواتب الخادمة والسائق مثلاً بنضطر نزيد ميزانية البيت كلنا يعني أنا أدفع زيادة وهي تدفع زيادة بنفس النسبة اللي فوق مو ياكلها واحد ونبدأ ندخل بخلافات..
طبعاً كثير نساء بهالمنتدى بيستغربون لكن هذا الشيء الطبيعي بمجتمعي، إحنا اذا تزوجنا نوقف مع بعض ونتفاهم على كل شيء قبل الزواج مو نوقف ضد بعض..