صباح الورد على الجميع أسال الله أن يعطينا خير مافي هذا اليوم ويصرف عنا شره.
تسمحون لي اخلي الصفحة هذه فضفضة كل ما تضايقت اجيكم واحكيكم عن الأحداث الي تصير معاي.
قلت لكم باخر رد انه المعلمات ماشاءالله انخطبوا جاء دور الطالبات ملكت وحدة من الطالبات ماشاءالله الله يوفقها يارب.
جت اختي وجالسه تتابع الحالات بالجوال كنا جالسين خواتي وأمي قالت اختي ياحليها فلانه الي درستها البارح ملكتها.
وأمي وخواتي أنظارهم علي قالت وحدة من خواتي ياويلي كل البنّات انخطبوا ما باقي وتناظر لي عرفت بتقول انتي
قلت وخير دخلوا الجنة الي تزوجوا يعني ولا ايش ماني فاهمة.
كان بفمها كلام بس سكتت خافت اني اهاوشها ههه لانه انا ما اسمح لأحد يتدخل بشي خاص فيني. قلت معليش ترى انا اكبر منك والى الان محترمتك انتبهي وسكتت اختي.
خواتي الباقيات وامي جلسوا يناظرون لي بحسرة كانه احد مات لهم.
انا حطيت سماعات الجوال وجلست اتابع مقاطع مضحكة واضحك ههههه وش رايكم فيني 😂

صراحة جالسه افكر اسافر الين ما يخلصون البنّات ويتزوجون وتجي الدراسة وتقل سوْالف انخطبوا وتزوجوا.
ما كنت أتحسس وعادي الوضع عندي كان بس الله يسامح امي وخواتي والي حولي يحسسوني ناقصني شي.

ياعالم اتركوا بناتكم وخواتكم وصديقاتكم بحالهم الي فيهم يكفيهم اتقوا الله فينا هذا رزق مثله مثل الموت يطاردنا الى ما نحصل عليه. الوضع جدا صعب ولا يُطاق وحسبنا الله ونعم الوكيل.
مافيه حل لمشكلة تاخر زواجنا خلونا طيب ليه تضغطون علينا يعني تبغون نوافق على اي واحد علشان ترضون وترتاحون منا.
والله اصعب شي على البنّت تحس انها ثقيلة على الي حولها.
يارب رحمتك الشعور صعب صعب صعب ولا احد يقدر يصبر عليه الا من اعطاهم ربي الصبر اُسال الله العظيم ان لا يفقدني صبري وصبر جميع بنت تعاني ما أعاني.

الي يبغى يدعي لي يدعي ان الله يصبرني على الأقدار
حتى اسمع في الجنة (سَلَامٌ عَلَيْكُم بِمَا صَبَرْتُمْ فَنِعْمَ عُقْبَى الدَّار)

أسأل الله أن يجعلنا واياكم من أصحاب الفردوس الأعلى من الجنه.