منتدى عالم الأسرة والمجتمع - عرض مشاركة واحدة - الاكزيما تعبت بنتي ساعدوني
عرض مشاركة واحدة
قديم 30-03-2018, 01:33 AM
  #3
خيال الهوى
عضو مميز
تاريخ التسجيل: Dec 2010
المشاركات: 882
خيال الهوى غير متصل  
رد: الاكزيما تعبت بنتي ساعدوني

انا عندي اكزيما من صغري ومرات تشتد علي و مرات تختفي ولا كأن عندي شي !
لكن لما كبرت عرفت كيف اتعامل معها ..
وحاليا وضعي مستقر الحمدلله ..
بقولك الحل و ان شاء الله يفيدك
الاكزيما تحتاج ترطيب على طووووول
لو كانت المنطقة جافة راح تتهيج زيادة
فالحل انك ماتتركي المنطقة جافة
رطبيها بمرطبات طبية مثل سيتافيل و كيو في
واذا تهيجت الاكزيما اخلطي كريم اليكا او اي كريم فيه كرتوزون مع المرطب عشان يخفف من تركيز الكرتوزون و اذا اختفت الاكزيما استمري على الترطيب على طول .
وابتعدي عن الكريمات اللي فيها عطور اللي في الاسواق مثل جرجنز و دوف و نيفيا وغيرهم
لأنه العطور لو كانت نسبتها قليلة بتأثر في الاكزيما ، وحتى صابون الاستحمام استخدمي لها غسول طبي خالي تماما من العطور .
وانتبهي على أكلها ، الاكزيما تتهيج كذلك بالأكل
لاحظي متى تتهيج لو اكلت اكل معين ؟!
لأنه بعض الناس وانا منهم عندنا حساسية من بعض انواع الاكل .
وأيضا الغبار يهيج الاكزيما و المنظفات والكلوركس
و بعض انواع الاقمشة .
في التعامل مع الاكزيما مافيه مثل الوقايةوالبعد عن الاشياء اللي تسببها و الترطيب على طووول.

لو اتبعتي هذي النصائح ان شاء الله راح تخف الاكزيما

التعديل الأخير تم بواسطة خيال الهوى ; 30-03-2018 الساعة 01:35 AM
رد مع اقتباس