رد : نصائحي لمن تعاني من الوزن الزائد او تود المحافظه على قوام رشيق ..
الاساس فی ای ریجیم هو الاعتدال .. الجسم يحتاح للكربوهيدرات والالياف والبروتين والدهون والفيتامينات والمعادن .. لكن نحتاج نعمل توازن بينهم..
لازم تتعلمي كيف تختاري اكلاتك .. اي شيء شفتيه دسم وفيه سعرات كثيره خذي بديله..
مثلا الالبان مهمه لانها تحتوي على الكالسيوم .. الكالسيوم ضروري للجسم ويساعد على تخفض الوزن .. لكن بدل الحليب او الزبادي كامل الدسم اختاري قليل الدسم او منزوعه الدسم.. نفس الشيء بالنسبه للاجبان ..
الزيت النباتي استخدمي كميات قليله جدا و حاولي تستبدلينه بزيت الزيتون ...
الدجاج حاولي تختارين الصدر لانه اخف من الفخذ .. وانزعي الجلد عنه ...
اللحوم اختاري لك قطع بدهون قليله او بدون ..
حاولي تاكلين سمك اكثر من اللحوم ..
ابتعدي عن المقليات واختاري طرق بديله للطبخ .. في الفرن مثلا .. او على الشواية .. الاكل المشوي لذيذ على فكره .. وما تحتاجين له زيوت .. واذا احتجتي... ممكن القليل من زيت الزيتون .. حتى الباذنجان تقدرين تشوينه بهالطريقه وطعمه حلو ...
كلي ببططططء وامضغي الطعام بشكل جيد ..
امثله عن شو ممكن تاكلين ..
ابدأي يومك بشرب كوب ماء .. لا تهملين وجبه الفطور ولكن انتبهي للكمية .. حاولي تفطرين بدون خبز لكن اذا ما تقدرين خذي الخبز الاسمر وليس الابيض ولا تكثرين منه .... ( الخبز الاسمر لا يحتوي على سعرات اقل من الابيض انتبهوا ... لكنه يحتوي على الياف ويعطي احساس بالشبع اكثر ) واختاري تاكلين مثلا : جبنه فيتا قليله دسم – او - مثلث جبنه - او - بيضة مسلوقه – او- بيضة مقليه – او- زبادي ( عن نفسي افضل منزوعه الدسم .. ) او حمص مسلوق ... او فول ... الخ وانتبهي من الكميه .. ابتعدي عن المربى لكن ممكن تاكلي كم حبه زيتون .. او مكسرات .. ولا تنسي الكميه مهمه ..
وكلي حبتين فاكهه وحبتين خضرة اذا حبيتي .. وممكن اقل ..
اذا شربتي ماء واكلتي البيضة او قطعه الجبنه او شو ما كان فطورك وحسيتي انك ما شبعتي لا تزودين الكميه .. كلي فواكه وخضار وبتشبعي ..
واشربي كوب من الشاي الاخضر .. او قهوة لكن بدون سكر ..( ممكن مع حليب) .. او كاس حليب قليل الدسم .. او شاي احمر بدون سكر ..
___
قبل الغذاء بنصف ساعه اشربي كوبين من الماء .. املاي صحنك بالسلطه .. وقطعه واحده من السمك او اللحم او الدجاج و مصدر للنشويات بس تختاري نوع واحد .. اما الرز او الباستا او البطاطا (مسلوقه ) او الخبز .. طبعا ما يحتاج اقول انتبهي من الكميه .. ( يعني الرز ممكن تاخذي 10 ملاعق مثلا ) ... السلطه لازم تكون موجوده كل يوم .. نوعي فيها و قللي من الملح و ضيفي لها خل او ليمون لانهم يبطأون امتصاص الدهون ويعطونك احساس بالشبع اكثر .. وممكن تسلقي خضار على البخار بدل السلطه و حطي عليهم شوي زيت زيتون اذا حبيتي و فلفل وقليل من الملح .. + فواكه ..
___
العشاء .. اشربي ماء قبل الوجبه .. اعملي شوربه او سلطه او بيض مسلوق او سلطه تونا ( اختاري التونه بالماء مو بالزيت )او صدر دجاج مشوي او برجر بيتي مصنوع في الفرن ( انتي جهزي اللحمه في البيت ) .. مشاوي .. قليل من الحمص لكن حاولي انتي تعمليه في البيت ولا تحطين طحينيه او حطي كميه بسيطه لانه فيها سعرات حراريه عاليه .. كلي خضار او فواكه ..
بالنسبه للسناك مرة بين الفطور والغذاء ومرة بين الغذاء والعشاء .. خذي قطعه فاكهه .. او خضروات .. او كميه قليله من المكسرات .. او زبادي خال من الدسم ... او قطعه شكولاته سوداء.. او بسكوت لايت .. او حبتين تمر مع شاي بدون سكر .. قليل من البوب كورن بدون زبده .. الخ
طبعا هذه مجرد امثله والا الاكلات اللي تنفع للرجيم كثيييرة اهم شيء تراعين السكر + الدهون الضارة + الملح ..
...........
واخيرا الرياضة ضروريه ..
ساعه مشي + ساعه رياضات اخرى مثل الايروبيكس..
اذا ما قدرتي ممكن نصف ساعه .. خمس مرات في الاسبوع ..
لكن حاولي تمشين ساعه يوميا .. تلاحظين فرق كبير في وقت قصير ..
اعمالك المنزليه اليوميه فكري فيها كنوع من الرياضه .. حاولي تزيدين حركتك فيها ..
واخر نصيحه .. ابدأي بالتدريج .. لانك بعد فتره لما يتعود الجسم على نظامك الجديد حتضطري تبذلي جهد اكبر للحصول على نفس النتيجه ..
وكمان حتتعبي وتملي بسرعه اذا بدأتي بنظام قاسي ورياضة قاسيه ..