اقتباس:
المشاركة الأصلية كتبت بواسطة Neat Man
أنتي اتركي الشوكلاتة وأضمن لك خلال ثلاثة أيام بينزل وزنك خمس كيلو
المهم أنه فيه قاعدة مهمة هي في الرجيم، وهي تنظيم الأكل + الأكل القيل جداً.
بمعنى أن تأكلي في كل وجبة فقط 25% من أكلك السابق والاعتيادي، والباقي 75% تسحبين عليه، أو ترسلينه لي بطيارة.
وأفضل الرجيم في نظري هو أن تأكلي فقط مايبقيكِ حيةً وبحيث لايجعل قلة الأكل تصيبك بعوارض جانبية خطيرة، وعليكِ بالمشي في هذا الشتاء القارص تحت حبات الثلج المتساقطة
|
اخي الكريم نيت مان بالنسبة للشوكولا الصنف الوحيد اللي مستحيل اتركه بوقع بأرضي عنجد مش مزح بحس ما عندي طاقة اذا ما اكلت شوكولا
وبعتقد بيكون نزل عندي السكر هيك مرة قلي الدكتور
اني اذا حسيت اكل اي شي حلويات
والحمدلله خبز ما باكل هون الا الافرنجي بشيل كل اللب بيبقى القشرة رقيقة كتير
وبحب البيتزا كمان بعملها الي رقيقة كتير
يعني من انا وصغيرة ما باكل اي شي معجنات سميك او لب الخبز
لازم يكون رقيق وبيقرمش
ما كتير باكل طبخ ولا بحب الدهونات والشحوم
السلطات والفواكه عشقي والاسماك
والسندويشات اللي محشية خضرة
الحلو بحبه كتير
وما بحرم حالي بس بخفف من كمية الاكل واجمالا وجبتي ما كتير كبيرة كل حياتي تقريبا وجبتي متوسطة
الا بالسلطات اكبر حجم
والمشي الحمدلله الهواية اللي بحبها وبعتبرها الدواء للاعصاب والنفسية
وخاصة بايام البرد يعني شي مش طبيعي تعلقي وحبي للمشي بالطبيعة
بس الغلط اللي عم ارتكبه اني عم اكل شوكولا اخر الليل
وعم كتر انواع الكريم والجبنة بانواع الصوصات للمعكرونة
وهالشي المفروض راقب السعرات الحرارية كونهم كاملين الدسم والسعرات فيهن عالية جدا
بس الحمدلله راضية عن وزني بس من 5 الى 3 كيلو المفروض اخسرهن قبل ما انزل على لبنان لانو الاكل مع الاهل وبالمطاعم اكيد مشبع بالدهون ورح نكسب كم كيلو
صديقتي بس تعرف الانواع اللي باكلها بالكريم والاجبان والشوكولا ما بتصدق اني ببقى بنفس الوزن
بس طبعا ما لازم نهمل والا مع التقدم بالعمر بيصير يحرق الجسم للدهون اقل مما بيجعل خسارة الوزن اصعب
والمفروض الواحد يعمل كنترول على وزنه ونوعية اكله كرمال صحته بالدرجة الاولى
احترامي