السلام عليكم
والله اهلين وسهلين ببلدنا الاردن فيكم جميعا،، انا فلسطينية اعيش في الاردن كحال جميع الفلسطينين اللي نزحو اهاليهم واستقرينا في الاردن.،، بصدق انا احب بلدي الاردن ولا اعتقد اني اقدر اعيش في بلد تاني مهما كان وضعه،، انا ما بقدر اتغرب ابدا عنه،
الان بدت الاربعينية( وهي تمتد من 20\12 الى 30\1) وهي ابرد ايام الشتاء ويتوقع فيها سقوط الامطار والثلوج عادة في اخر شهر 1 وفي بداية شهر 2،، حلوة كتير
ثم تبدأ الخمسينية (وهي اخر 50 يوم في الشتاء ويكون بردها اقل من الاربعينية تبدا في 31\1 وتنتهي في 21\3 حسب ما اذكر)
حاليا انصحكم بزيارة الغور لانه الدنيا بعمان برد ولكن هناك تكون الحرارة اعلى بكثير من عمان،، تصلح زيارته في الشتاء هو والعقبة اما اربد وعجلون والشمال بشكل عام زوروها في الصيف بتكون الحرارة عالية بعمان وهناك بتكون منخفضة والجو لطيف.
اما السيفوي فعلا رائع ولكنه تابع لمركز سلطان الكويتي.. انصحك تزور فرع الدوار السابع احلى فرع له وكذلك هناك كارفور رائع ومكة مول..
هناك مطعم افضل من الكلحة مع ان الكلحة ممتاز بالزات الفرع اللي ذكرته لكن هناك مطعم لا يعلى عليه للفلافل والحمص واسمه (أبو جبارة) هناك فرع بالجاردنز وبجبل عمان وبشارع مكة ولكن افضل فرع هو فرع شارع المدينة رائع مطعم سياحي وخدمته رائعة..
فعلا كنافة حبيبة افضل كنافة بالبلد كلها روعة..
ازا بتحبو اي سؤال ما تترددو بالسؤال..بس ما بعرف شي عن شروط القبول بالمستشفيات اسألوني عن مناطق مطاعم وابشرو..