منتدى عالم الأسرة والمجتمع - عرض مشاركة واحدة - مدخنة
الموضوع: مدخنة
عرض مشاركة واحدة
قديم 25-01-2011, 01:26 PM
  #6
ضآري
عضو جديد
تاريخ التسجيل: Dec 2010
المشاركات: 7
ضآري غير متصل  
قبل لا ادخل بالنصيحة ..
انا ما اتقبل ان الانثى تتدخن .. لان الدخان مع الوقت يقوم بنخرالكيان الانثوي
وبدون ما تحسين سوف تجدين نفسك "ابو الشباب" وتندمين على انوثتك اللي ضاعت


اعتقد انك تعودتي على النت أوالقهوة .. لازم معها زقارة وهذا اللي طيحك بالتدخين
اللي هو مسألة التعود .. فضروري انك تنتبهين لهالشئ لان التدخين بيصير عندك لا ارادي
وهذا ماصر معك والدليل انك تدخنين بكتين باليوم ..
و لو فرضنا انك تدخنين بمزاج ما راح يستهلك معك هذا الكم من الزقاير ..


وطبعاً صعبة تبطلين كذا بين يوم وليلة .. من وجهة نظري انصحك بالتدرج للاقلاع
فيه عدة طرق يمكن ناس كثير ما يعرفونها وانا اقولك عليها من باب التجربة

اولاً .. فرشي اسنانك كثير لان المعجون ينظف الرواسب اللي تحتفظ بنكهة التتن
وكمان فيه مادة تكرهك بالزقارة وريحتها ..

ثانياً .. عليك بالفصفص (الحب) اشتري لك كم كيلو بس خذي نوعية جيدة
وكل ما راودتك نفسك للزقارة طلعي الحب وقشمي بس باحتراف موب تطحنينه باسنانك طحن ..

ويستحب لو تشترين لك علبة علوك نوعية جيدة مثل (اكسترا) بنكهة تكون حارة (قرفة .. نعناع)
وتعلكين طول الوقت منها تبقى ريحة فمك منعشة ومنها تقلل رغبتك بالتتن ..

واخيراً واهم شئ اشربي ماء وبكثرة يعني تمشين بالبيت و القارورة بيدك ..
ولا تشربين شاي او قهوة او اي شئ يربطك مزآجك بالزقآرة ..
الموضوع يحتاج قرار قوي وشجاع منك
مرآت لآزم نحرم انفسنا ولو مؤقتاً من اشياء نشتهيها دون ان نعلم بأنها قد تلحق بنا اضرار
ولا تنسي الادعاء و كثرة الوضوء

ربي يعينك

التعديل الأخير تم بواسطة ضآري ; 25-01-2011 الساعة 01:31 PM