المشاركة الأصلية كتبت بواسطة ملَك شادي

حشوة السبانخ حاجة فاخرة من الاخر

تغسلي السبانخ كتير منيح ( عل ىسيرة كتير منيح زي صحبتي لما تعطيني وصفة دجاج تقلي بداية نظفي الدجاج كتير منيح ماتخلي في وساخة اقلها لا ليش الوساخة مفيدة معقول تنظفي الجاج انت هوة في احلى من الجاج الوسخ هههه يعني كلامها بديهي ومضحك هههه)
المهم قطعيه قطع صغيرة
ومن ثم حطيه في مصفاية ورشي عليه ملح وقلبيهم وبعدين صيري اعصري السبانخ بين ايديكي حيصير ينزل مية بالهبل
ضلك اعملي هيك
حتكون النتيجة انو تقلص طبعا جدا و صار ناشف مافي اي مية
ضروري هالخطوة والا فطايرة بتصير شورية وبتطلع مية السبانخ في الخبز وحاجة شنيعة
المهم بتجيبي هلأ عليهم ملح وفلفل اسود وسمااااااااااااااااااااق عارفاه صرتي خبيرة فيه منتي
و زيت زيتون
وليمون بس لاانصح بالليمون حيحعملك مية
اووو ممكن قبل كل التتابيل تحطي ليمون و تقلبي وتخليه يتشرب بعدين صفيهم عشان مايضل سوائل
المهم بعدين كملي التتبيل و حطي فلفل احمر هريسة تبع اهل غزة مش هريسة اهل تونس الحبايب
عارفاها
روحي قسم الاجبان والزيتون حتلاقي ملعلع و يناديكي
هي صورته




هوة عبارة عن مجرد فلفل احمر قرون مطحون بكمية كبيرة من الملح وطبعا يحرق كتير
لو مالاقيتي حطي شطة
ااااه و نسيت البصا قطعي بصل كتير مكعبات صغيرة

وخلص احشي وممكن تعملي الفطاير لولبية



حشوة اللحمة تحطي عالنار بصل كتيييييييير مربعات صغيرة
وبس يدبل تضيفي اللحمة المفرومة ناعم حمرة بدون اضافات
وتقلبي وتحطي ملح وفلفل اسود و بهارات
وخلص احشي برضو

اتمنى اكون افدتك وجربيهم حتدمني عليهم بما انو عندك طولة بال للرق