رد : زوجة معدد؟ ...... تفضلي
اقتباس:
المشاركة الأصلية كتبت بواسطة وحدااانيه
زوجه ثانيه ندمانه اكثر من عدد شعرات راسي ....
تزوجت تحت ظروف معينه والله لو تخيلت بس ربع الالم اللي بعيشه اني فلا اقبل لو اظل دبل عمري عانس
سبحان الله مانختار قدرنا ولو سالتي اي زوجه ثانيه تلاقينها ع الغالب كارهه انها زوجه ثانيه يمكن انا احس الاولى اخف الم من الثانيه مو تحيز ولاقياس على حالتي بس بالغالب يكون متزوج وهي مقتنعه وعارفه وش لها وايش عليها طبعا اتكلم ع الرجل العادل واللي مقدر زوجته الاولى مو خيانه او غدر لايكون متفاهم معها وكذا ..
المشكله بالثانيه تجين لاوراك ولاقدامك ماتدرين كيف تتعاملين مع زوج وزوجه واهله وعياله وحريم عياله وعيال عياله يعني ماخذه قبيله كامله كل شي جاهز
والله لو احد قابلني ايام الملكه ماكنت اتصور حجم المعاناه كذا كنت احسب بيحبني وبيدلعني وان اهله ماراح يتدخلون فيني وانهم خلاص راضين عليه
شفت الهوايل ياناس والله احس حياتي مسلسل كل يوم انتظر الحلقه الاخير احس مايختمها الا موت احدنا ياانا ياهو يازوجته استغفر الله احس فيه شي لازم يظبط
ظغط نفسي والم وهم تخيلي صغيره وبنت وتجلسين تتقلبين الليل ع سريرك لحالك
وتطلعين تلعبين عيالك وكل اغراضهم انتي تقومين فيها
احزن كثير ع عيالي لما نطلع للالعاب يسالني ولدي عمره ثلاث سنين ليش بابا مو معنا
ونادرا مانركب معاه بسيارته دايم مع السواق
يعني زوج بطاقه وزوج مع وقف التنفيذ زوج ابو ليله
الله يعين بس عيال وحياه صعبه الوحده فيها تتحمل طلاق
للحديث بقيه بس حامل ومهدود حيلي راجعه افضفض كود ارتاح معاكم
|
كان الله في عونكِ يا عزيزتي .. وما تشوفين شر والله يقومج بالسلامة يا رب.
بس ما فهمت .. لماذا يشتكي ابنكِ من عدم وجود والده؟ .. وكيف نادر تركبون معاه بالسيارة؟
هل يقسم الأيام بينكِ وبين زوجته؟
كيف كان الاتفاق منذ البداية؟
__________________
اللهم طِيبَ الأثر .. وحُسْنَ الرحيل.