منتدى عالم الأسرة والمجتمع - عرض مشاركة واحدة - احس بحاجات حتحصل .. وتحصصل ؟؟
عرض مشاركة واحدة
قديم 10-01-2017, 10:47 AM
  #1
meemaa
عضو جديد
تاريخ التسجيل: Jan 2015
المشاركات: 725
meemaa غير متصل  
احس بحاجات حتحصل .. وتحصصل ؟؟

السلام عليكم ورحمة الله وبركاته ..


في شيء يصير معايا كثييييييير ومن سنين انا كثيرة الاحلام والرؤى اليوم الي ما احلم فيه استغرب اقول بنفسي لااا مو معقوله ..
كل ماغفيت ونمت لازم اشوف احلام .. منها الجيد ومنها السيء .. حتى لو نمت على طهاره ووضوء الاحلام ماتفارقني .. صار زوجي يسألني بمزحه ها ايش تحلمتي اليوم ..؟

والغريب في الموضوع 90% من الاشياء الي احلمها احس بداخلي بمعناها او ما اصحى وتقع بالواقع ؟؟
واوقات احس بأشياء حتصير بدون ما اشوفها بالاحلام .. والله والله اتكلم بجد انا سرت استغرب من نفسي ..

زوجي واهلي يتريقو عليا يقولو بدينا نشك انك عرافه ههههه
واوقات اقوله لاتعمل شي من ورايا ترا كل شي اعرفو << بمزحه طبعا ..



مثال في زواجي الاول بعد مارجعت من الفرح ونمنا انا وزوجي اول ماصحيت وفتحت عيوني لسا ماقمت من السرير وزوجي نايم شي جا بقلبي فجأه وقالي راح ننفصل .. ابتسمت وقلت بنفسي ايش الخرابيط دي الي تجيني بصباحية زواجي .<<< وحصل بعدها بسنه ونص ..

قبل اسبوع قلت لماما ترا بنت خالي فلانه شكلها حامل ماما سألت امها فقالت لها ايوا حملت واسلبت ..

شفت قبل امس خالتي في المنام الرؤيا طويله وعرفت انه في شي
وامس اتصلت عليا وقالتلي انا عازمتك يوم الجمعه لازم تجي ..

قبل طلاقي وانا لسا كنت معلقه افتكر قلت لطليقي بالحرف الواحد ترا اول ماتطلقني راح اتزوج وحتشوف << قلت دا الكلام لإحساس بداخلي كان قوي

وبعد العده ب 3 اسابيع تقدم لي شخص وتزوجت

زي كدا

في احــد يحصل معاه كدا ؟؟؟ وايش تفسير دي الحاجات الغريبه ؟؟ لها مسمى علمي او شي والله نفسي اعرف ؟؟
__________________
لاتسعى لتصحيح ظن احد بك ££ خالقك ينظر لقلبك وهذا يكفيك
رد مع اقتباس