رد: بين العِلم والعمل .روح الطير ,Neat Man
شاكره لك جداً تجاوبك السريع معايا أخي .
.
في الحقيقه أنا عمري 24 لأني قبل الآن اخدت دبلوم في الإداره المكتبيه ( أذكر التخصصات عشان تكون الصوره واضحه ) يعني وقت تخرجي إن شاء الله حكون في نوص ال25 تقريبا =(
وأحس صعب جداً أوصل لل25 أو بعدها وأنا لسى مجرد ( طالبه ) .. وعما اقدم للبعثه ويطلع القبول ممكن اتعدى سن ال27 ( السن المشترط ) وأنا مابين التمني والإنتظار ..
.
بالنسبه للمصروف من سنين وأنا معتمده اعتماد تام على نفسي بفضل ربي من مكافأة الجامعه ثم بفضل إيماني بأهمية ( الإدخار ) وفلسفة ( خبي قرشك الأبيض ليومك الأسود ) . يعني أبدا ما اطلب من أهلي حاجه إلا وقت زنقه وما اخدو الا إذا وافقوا يخلوه ( دين ) وأسددو بعدين . من الآخر حابه احقق الاستقلال المالي التام عن طريق الوظيفه المسائيه وزي ماذكرت حكتسب منها خبره ..
..
فِعلاً العمل في الحاجات اللي تخص الأفراح جدا مربح ومجال فيه تنافس والبقاء للمبدع اكثر لكن مو حابه اخوشو من غير درايه كافيه او كمبتدئ يتعلم من اللي حواليه في المجال . ودراسة التصميم حتغطي دا الجانب من الموضوع وتخليني اخوش المجال وأنا فعلاً فاهمه ومطبقه كمان وممكن خلال دراستي أكون شبكة علاقات تفيدني فيما بعد في المجال .. وما اخبي عليك إني معلقه آمال كبيره على دولي في دا المجال ..
..
__________________
اِهدنِيْ فِيْمن هَدَيْت ..
