بسم الله الرحمن الرحيم

حلو البالونات

نبتدي باسم الله

1- أول شي جهزي البالونات اللي تحبين تستخدمينهم إما كبار مثل اللي بالصورة أو صغار للتقديم .
وجهزي الكاكاو اللي تحبين تذوبينه .. في الصورة استخدم جالكسي بمقدار 250 جرام تقريبا و 8 بالونات كبيرة .. بس ممكن تستخدمين جالكسي او آرو أو اللي تحبين



2- ذوبي الكاكاو على نار هااااااااااااااديه و للحرص استخدمي طريقة الحمام المائي



3- صبي الكاكاو الذايب في ماعون علشان لا تفرقع البالونه لما تلامس سطح الجدر.. بعدين غطسي البالونة بحيث يغطي الكاكاو ثلثها .





4- على ورق شمع ( وناس تسميه ورق زبدة ) صبي من الكاكاو الذايب مقدار نصف ملعقة كبيرة . و بعدين حطي البالونة المغطسة بالكاكاو عليها . علشان تثبت البالونه و تكون قاعده حلوه بعدين .



5- حطيهم بالثلاجة لمدة 30 دقيقة



6- بحرص بطي ( فجري ) البالونه عن طريق قص قطعة صغيرة جدا من البالونه و تكون قريبة من الربطة اللي فوق علشان يخرج الهوا ببطء.. لأنكم لو استعجلتم و بطيتوها ممكن يتكسر الكاكاو اولا و ثانيا ممكن تخرعين الصغار
و حاولي تسحبين بقايا البالون من الكاكاو .. اذا ما انسحب رجعيه للثلاجة خمس دقايق علشان يرد يتماسك الكاكاو و بعدها سحبيه .



7- اذا شفتي اي ثقوب بالماعون .. رقعيها بالمتبقي من الكاكاو الذايب ..



8- تقدرين تقدمينه الحين و تحطين داخله اللي تبين .. مثل الآيسكريم اللي بالصورة
أو اذا كانوا صغار حطي داخله كراميل أو أي نوع حلو مثل تراميسو أو أي خلطة

اخلط 2 كريم كراميل + 2 قشطة + 2 دريم ويب

و هذي صورة القالب مع الايس كريم




و بالهنا و الشفا

يتبع ...

منقول

و المشاركات في اقسام التغذية و الطبخ خلال شهر مارس 2010