منتدى عالم الأسرة والمجتمع - عرض مشاركة واحدة - ما هو حكم الشرع فى ضرب الزوج لزوجته دون مبرر مقبول؟؟
عرض مشاركة واحدة
قديم 29-05-2005, 08:59 PM
  #10
Nany80
عضو دائم
تاريخ التسجيل: Apr 2004
المشاركات: 89
Nany80 غير متصل  
السلام عليكم ...
الاخوه الاعزاء شكرا لكم جزيل الشكر على اهتمامك وعلى قلوبكم الاى الخير مليها ربنا يجزيكم كل الخير ان شاء الله

حلم الغد ...

شكرا يا حلم الغد ... انا فعلا من فتره وبعد جوازنا بشهرين فقط لاحظت ان جوزى فى حاجه لمساعده دكتور نفسى وده لانه فضل لمده تلات سنوات مقيم لوحده خالص فى البلد المقيم بها للعمل وده بعد سفر امه واخوته لمصر من اجل الدراسه وانتقال ابوه الى مكان اخرى داخل نفس الدوله لكن ليس معه وكان الاتصال بينهم عباره عن مكالمه تليفون كل كام ويوم المهم جلوسه بمفرده فعلا اثر عليه واتفقت انا وهو انه لازم يروح لدكتور وهو قالى معاكى حق انا فعلا ملاحظ انى ميال الى الاكتئاب لكن كل شهر يقول الشهر الاى جاى والحال ده مستمر لمده 7 شهور دلوقتى كل شهر الشهر الاى جاى واخر مره اصريت انه لازم يروح فقالى خلاص اسألى انتى على دكتور كويس فى حين ان انا لسه جديده فى البلد ومش عارفه حاجه فيها وهو مولود هنا وعايش طول عمره هنا المهم سألت وبحثت من خلال النت والحمد لله ربنا ارشدنىبسرعه بس برضه مارحش

معاكى حق كمان فى قولك ان لو تغاضيت مرة سيزداد الامر وهو ده الاى تاعبنى ومش عارفه ايه الحل.

الضابط...

حفظك الله انت ايضا اخى العزيز ... فعلا انا مش قادره ابدا انى اشيل الموضوع من دماغى ابدا لدرجه انى من يوم مااتخنقنا وانا بحلم احلام مزعجه وبقلق كتير جدا وانا نايمه وباصحه متوتره وبمجرد انى افتح عينى الصبح فى الحال افتكر الموضع والاى حصل ويمر قدامى زى شريط السينما تماما و مش قادره اتصرف فى الموضع ده خالص انا بجد بحاول لانى تعبت منه بس مش عارفه... مش قادره اتخيل ان ايده الاى كنت بامسكها و اوطى ابوسها واحضنها تعمل في كده مش قادره


الشهومى ...

مشكر اخى الكريم على ردك وانا طبعا معاك ده وضع مايرضيش ربنا ولا رسوله ولا حد عاقل من عبيده

افراح ام الابرار...

شكرا لدعائك وردك وفى الحقيقه ردك بانه لازم يعرف ان لى اهل دى حاجه من الحاجات المحيرانى جدا والاى عاوزة اخذ رايكم فيهم وبتمنى انكم ماتبخلوش عليا فيه

الموضوع انى بعيده عن اهلى ومعاه فى بلاد تانى من اجل العمل أبوة معانا فى نفس البلاد لكن بعيد وبصدفه حضر عندنا بعد يومين فقط من الخلاف بيننا وطبعا حكيت له فكان رايه فىالبدايه مثل رايك ان نبعد عن بعض لفترة واعود انا لمصر لفترة ولكن قال لى لا تحدثى احد من اهلك بهذا الموضوع فقلت لها لا سوف احكى لهم وحتى لو لما احكى انا لسه رجعه من مصر من شهر واحد مين حيصدق انى نازل بعد شهر واحد عادى لازم حايحسوا ان فى مشكله المهم وبعد كلام مش كتير بينا قال لى بلاش نزول مصر " على فكره ابوه راجل محترم جدا هو وامه والحمد لله علاقتى بيهم كويس وهم فعلا بيتعملوا معاى زى بنتهم" المهم كان كل رايه ان المسامح كريم واتكلم معاه وبس ومشى وسابنا زى ما احنا كل واحد منا فى اوضه لا بنتكلم مع بعض و لا بنأكل مع بعض ولا اى حاجه خالص

مافيش حد من اهلى عنده علم ابدا باى حاجه حتى ماما اتصلت بيها مره وكنت وقتها زعلانه فاحست بيا جدا وقالتى فيكى حاجه وانتى متخانقه مع جوزك بس انا مرديتش اقولها حاجه ابدا ..اولا... لانى اتقفت مع والد زوجى انى ماقلش حاجه والتانى علشان خايفه عليها انا بنتها الوحيده وبعيد عنها واقولها حاجه زى دى وهى اصلا مريضه ... ماينفعش

فامش عارفه الاى انا عاملته ده صح ولا غلط انى معرفتش اهلى ...اصلا انا من يوم ماتجوزت فى اى مشكله تواجهنى مع زوجى بالجأ لاهل زوجى "بصراحه هما دايما ياخدوا صفى" ومش بعرف اهلى اى حاجه يعنى حفاظ منى عليه وكمان علشان الامور ماتكبرش .

الوضع دلوقتى بجد مزعج جدا جدا لا اخفى عليكم احن كثيييييييييييييير لزوجى ارى فأتمنى ان ارتمى فى حضنه لكن يمنعنى خوفى وقلقى من تكرار الامر لا اعلم ماذا افعل فانا لوحدى هنا ليس لى احد ينصحنى ولا اعلم التصرف الصحيح الذى يضمن لى عدم تكرار أهانه زوجى لى وفى نفس الوقت يعود بى الى حياتى الهادئه الجميله التى كنت احياها مع وزجى واشتاق كثيرا اليها ...ماذا افعل !!!!

اسفه جدا جدا لانى اطلت لكن ليس عندى من يقدم لى النصح واطمع فيه منكم جزاكم الله كل الخير

التعديل الأخير تم بواسطة Nany80 ; 29-05-2005 الساعة 09:01 PM