أختنا الكريمة (أمة البديع) ...
الله يجزيكي كل خير على ما تقدمين من معلومات مفيدة والأغلبية محتاجينها ...
أما بالنسبة إلي ..أنا هلأ بنتي صارت 6 شهور وشوي ،، بدأت معها الأكل من آخر الشهر الرابع -طبعا تبعا لنصائح الوالدة الله يخليلي إياها- ...
ومن الوجبات اللي بدأت فيها :
- عصير البرتقال المخفف بشوية ماء كنت أعطيها إياه من عمر الشهرين.
- أول شي بدأت فيه : التفاح بقشره وبهرسه زي ما هو وأحيانا بسلقه قبل ما أهرسه -بنتي حبته وهو مسلوق أكتر- .. وبعدين صرت أخلط الكمثرى -الإجاص- معه برضو مع شوية عصير برتقال.
- برضو بدأت في الخضرة : الجزر والكوسا والبطاطا .. أسلقهم وأهرسهم وأحيانا أضيف معهم معلقة لبن.
- التمر طبعا من أول ما انولدت بمصصها إياه ، بدعكه شوي بإيدي وبخليها تمصو.
- بعطيها السيريلاك وبسكوت الفارليز.
- بتحب كتير لبن الفواكه -المراعي- اللي على نكهات الفراولة والتوت.
- حاليا بدأت أطعميها صفار البيض ،، بسلقه وبهرسه مع شوية زيت زيتون وبطعميها إياه بالمعلقة.
- وبرضو هلأ صرت أسلقلها شوية رز مع الخضرة المسلوقة وأهرسو بشوية بندورة.
والحمد لله إنها تقبلت كل الأكل اللي جربتو معاها ...
مستنية وصفات أخرى من الأخوات ...
والله يجزيكي كل خير أختي عالموضوع مرة تانية ..
أختكم،
أم رند
__________________
RoOd
(كل الشكر والتقدير لك حبيبتي على التوقيع)
التعديل الأخير تم بواسطة أم اثير ; 11-04-2007 الساعة 07:40 PM