انا و الله محتارة مادري وش اسوي في حياتي أبغى أحد يشور عليي
حياتي مع زوجي مشاكل في مشاكل و الله مايمر يوم إلا بمشكلة وعندنا طفل خايفة عليه من كثر هالمشاكل

أسباب سخيفة
و الله صرت أخاف اتكلم ويه زوجي من كثر ماينهي الحديث بمشكلة

يعني مثلا أحنا كنا بمشكلة لمدة يومين وصرت مثل الهبلة أمشي من كثر الصياح والبكي وجيت قلت مو حالة هذي وتأسفت منه وقلت له خلاص و الله ماعيدها بس أبغى أرتاح وأبغى أربي ولدي براحة بعد ساعة بالضبط من السوالف المتشنجة وانا أحاول أرخي يعني كل ماأتكلم يحاوول يدور لي شئ يغلطني فيه أو أطلع المهم أني مااكون صح في النهاية بأي طريقة هذا اللي أحسه

المهم هدأنا شوية وطلبت منه يشتري لي لبس على ذوقه لحفلة تخرجي حق الجامعة وانا مروقة ومخي يتخيل أشياء رومانسية و الله بغيت السلامة على عمري كأني ضاربته بجزمة الله يعزكم
مو على الفلوس لا قال بعطيش فلوس وروحي انتين أو روحي معاي لاتبلشيني الله يلعن حفلة تخرجك ويلعن اللي يشتري لك يعني تسببي لي صداع وتنامي تخليني أفكر كيف اشتريه لاتقول لي اشياء ماعرف اسويه و الله جلست أبكي لين نشفت دموعي وانا أقول له ماأبغى شئ خلاص خلاااااااااص اسفة سامحني اني تكلمت ماأبغى شئ

و الله سكتت وطلعت من الغرفة دموعي على خدي قريت لي أدعية وقرأن عشان أهدأ وأبغى أحد أفضفض له دخلت المنتدى وكتبت الله في قلبي وبقوم

إذا مافي حل لحياتي أدعوا لي

__________________

"لاتطعن في ذوق زوجتك؛؛لأنك احدى اختياراتها"