اليوم جهزت صفرتي كنت بصور لكم
بعدين جاء ابوي من سفر واجتمعو اخواني ع سفره بنفس اللحظه
ورحت اجيب مكرونه بالبيشاميل من فرن
عشان اكمل الصفره واصور ع طول اذن وبدو يفطرو
ما لحقت اصور واستحيت اصور سلفي مع صحون
والوالد مرهق من سفر واخوي نفس الشي مشغول
بعدين تحطمت ومافطرت معهم حتي ابوي سالني قال ليش ما كليتي شي !!!
قلت له عشان الجو حر حبيت اكل في غرفه ماهو عارف اني مقهوره منهم
بس والله تعبت وانا اجهز اولا ماكان حد في البيت الا انا واختي
وهاذي ماتعرف تطبخ بس حلو فيها مطيعه وتغسل مواعين بعدي
وتقطع لي الخضار بس استفزتني لما ابوي جاء من سفر صرخت ابوي جااااااء
وركضت عنده ونست البيتزا ف الفرن حتى سالتها عنها تذكرتها
راحت جابتها يابسه شوي وكانها محروقه جلست تقطعها اشكال هندسيه
وتقول ووواي تسلم ايديني !!!وهي مجرد حطتها في فرن
لا ونستها وحرقتها وبرضو تمدح نفسها
اما الشوربه من كثر ما امي تنتقدها وتتشرط فيها ماعد اعرف ايش المطلوب!!
اما المكرونه سويتها طبقين بالخضار وباشاميل والاخر بالدجاج لان
البعض يتحسس من دجاج عندنا
ولسه فيه ثريد اللي هو عبارة عن خبز يابس رفيع جدا
يكسروه ويصبو عليه مرق ولحم وخضار
وطبق اخر مرق لحم بدون بهارات ولا خضار ياكلوه مع خبز نسميه لبناني
ماعرف اذا تعرفوه ولا لا
اما الشاي عاده نشرب شاي احمر بالزعتر بس انا مستحيل اشرب شاي احمر خالص
لازم اضيف عليه حليب ،،مره كنا مع صاحباتنا سوريا استغربين
لما شافينا نشربه مع حليب
ويا مسك والله كنت ناويه اسوي لهم شاي مغربي
واجبرهم يشربوه بدل الاحمر بس كان وقت ضيق ومالحقت
والحين حيوني وصفقو لي لاني حرقت ايدي وتعبت وقهروني التماسيح