صباح الخير يالغاليات
والله بعد ماقريت بعض الردود خفت
قمت اسوي سبق صحفي مع الحريم بالعيله
س.ح تقول كنت حامل ب4 شهور لما اجهضت والسبب كان عندها مغص شديد راحت المستشفى
وقامت الدكتوره الفهلوانيه وفتحت الغشاء بارك الله فيها ويوم تصرقعت قالت ماما انا مايعرف ايش انت فيه قوم روح مستشفى تاني عفيه عليش يالطيبه
المهم الحرمه اجهضت وقالو لها ان وضعك خطييييييييير وماشكلك بتحملين ابد
بعد 3 شهور الا النونو في بطنها متربع وماشاء الله جابت بنت احلا من القمر وحامل باختها
ع.ك تقول قعدت اول 6 شهور من زواجي من غير حمل رحت عند المراخه والشهر الي وراه على طول حملت
بعد شهرين من حملي اجهضت وانعم الله عليها بالحمل على طول لا ارتاحت شهر ولا شهرين
بس تعبت بحملها مثبتات وراحه كان وضعها متعب وعندها بسم الله ماشاء الله 3 والرابع بالطريق
ط.م تقول حملت على طول وكملت 4 شهور وكنت رايحه موعد عادي وحسيت كنه احد عطاني طراق
يقولون الجنين توفى يومها كانت صدمه كبيره ظليت ابكي بحرقه.. قالو لي لازم ارتاح 3 شهور على الاقل
والحمدلله بعد ثلاث شهور صار الحمل وهذا هو عندي ثلاثه الله يخليهم..
حبيت انقل لكم قصصهم عشان ابث الامل
__________________
رب ارحمهما كما ربياني صغيرا