يا اهلا ومية سهلا بملكة غاليها
حبيبتي لو عملتي حلو واكلتي مش غلط بس كلي بحدود يعني بدل القطعة الكبيرة خليها نص
هيك بتكوني ما حرمتي نفسك وبنفس الوقت ما أخدتي كمية كبيرة

بتعرفي البارحة عالعشاء اجا عبالي معكرونة الفريدو عملت كوب كريمة قليل الدسم مع 80 غرام جبنة بارميزان وملعقة صغيرة زبدة طلعوا لوحدهن 800 سعرة حرارية من دون المعكرونة
حطيت بصحني نص الكمية وبعملها مرة بالشهر وهيك بكون ما حرمت نفسي واكلت باعتدال
ولو كان عالغداء كنت اكلت صحن كبير وعالعشا شي خفيف وكنت مشيت بعد الاكل بساعتين شي ساعة ونص وهيك بحرق من الوجبة اللي اكلتها

وحلو وشوكولا انا اكتر وحدة مدمنة عليهن وكنت ما بقدر نام الا لآكل لوح شوكولا 🍫 100 غرام واتصوري باكله قبل النوم
هلئ صرت بكتفي بقطعة صغيرة وصرت اكل اللوح الشوكولا بخمس ايام
واتعود جسمي على هالشي بعد ما كنت قول مستحيل
الاهم ما نجوع حالنا لانو رح ناكل بطريقة ما في كنترول على حالنا
بس صرت اتحلى اكتر شي بالتمر والفواكه واذا جبت تارت على تفاح او كريم بجيب قطعة كبيرة فيها 400 سعرة باكل نصها وهيك بكون اتحليت واخدت سعرات حرارية قليلة

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه