اهلين بالعسل استنكار🌷🌷🌷
الحمدلله بخير بنشكر الله
وبالنسبة للملابس كل ايام السنة ملابسنا صيفي وقطن خفيف والبيوت كلها تدفئة يعني ابدا ما بنحس بالبرد
وبس نخرج مشوار بيلبسوا الاولاد جاكيتات وكفوف وشال بس تحت الجاكيت قطن خفيف لانو اي مكان بنرحله كله تدفئة فبس الجاكيت للطرقات
اما بالنسبة الي ما رح تصدقي بعشق البرد وبحب ابرد بلبس بس قميص صيفي وبتكون درجة الحرارة ٢ او ٥ واذا رحنا عالتلج بلبس جاكيت وتحتها شي صيفي
واذا درجات الحرارة تحت الصفر ممكن البس شي شتوي بس نوعه خفيف ومن دون جاكيت
ما بتحمل الدفا بضيق خلقي دغري مع اني بحس بلسعات البرد بس بنبسط فيهن عودت جسمي هيك
حتى اولادي اتعودوا وما بيلبسوا الا قطعة قطن وفوقها جاكيت وبالمول او بالمدرسة بيبقوا بالقطن وبيشلحوا الجاكيت
والماي السخنة دايما متوفرة الحمد والشكر لله
اما بلبنان الشتوية نوع تاني اذا خرجنا من غرفة اللي فيها المدفأة ورحنا عالمطبخ كأنو دخلنا عالفريزر
البيت كلو بيكون جماد ☃☃☃☃
بس هون كلو مختلف بالبيت ما بنلبس الا صيفي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه