اسعد الله صباحك اخي الكريم

انظر اليها بعين الحبيب والاب والاخ ولاتنظر اليها بعين الناقد المترقب للاخطاء
اذهب بها الى اقرب مركز تجميل لازالة الشعر بالليزر واصبر على الجلسات وعلى الاسعار .. لانه بعض البشرات ماتناسبها الحلاوة اما تصاب بالتهيج او الاحمرار ...

اذهب بها الى اقرب صالون لعمل بدكير للقدم واليدين وياليت يكون بشكل اسبوعي منتظم

حاول تساعدها في اعمال المنزل ..الحمدلله انها نظفت كلللللل الحمام ما ينقص منك شي اذا شلت صفاية بلاعة الحمام وغسلتها ورجعتها مكانها
لانه اسلوبك معاها في موضوع نظافة الحمام مايبين انك بتكلم (شريكة) حياتك ..
ماانكر اني انا كنت مثلها انظف كلللل الحمام ومايخطر في بالي تنظيف المكان دا .. وبعد كذا صرت انظفه

وعلى الطبيخ مهي مشكله اذا احترق ... حلو منها انها بتحاول تتعلم الطبخ غيرها مايفكر يحاول التعلم

وباعترافك في موضوع ملابسك اللي عالارض انت اللي بدات في العباطه ... لاتلومها لو بادلتك نفس التصرف

واسلوب الهجر اجعله في اشد المشاكل وليس في اتفهها
واعتقد انها من النوع اللي عنده مبدا اللي يزعل من نفسه يرضى بنفسه بدليل ترتيبها للمخده والبطانيه وتركها مكانها على حسب رغبتك


على غطاء الوجهه اطلبه منها من باب الغيره والخوف عليها وليس من باب فرض الرأي
كثيرات منقبات وبحشمتهم ومن غير زينه وباحترامهم

وعدم اخبارك لاهلها على مشاكلكم قد يعود لاعتقادك داخليا بتفاهتها ... يعني تقولهم بنتكم يدها فيه شعر ولا كعبها خشن ولا بلاعة الحمام وسخه!!!!!!!!!!!!!!!!!!!!!!!!!!!!!!!!!!

اصدق نفسك هل انت تحبها وتريد ان تكمل معها مشوار حياتك اللي في بداااايته ... ولا كان في بالك انسانه بمواصفات معينه ماجات على مزاجك

اذا كنت تحبها فراح ترضى بحلوها ومرها ... اما اذا مومقتنع بها .. فماراح تقتنع لو جسمها صار زي الحرير وكعب قدمها زي الاطفال وبلاعة الحمام زي المرايه

حاول تصلي معاها الفروض جماعه
ادعي دائما اللهم اغنني بحلالك عن حرامك
اصبر اصبر اصبر

الله يهديكم ويوفقكم ويألف بين قلوبكم