جزاك الله خير يا دكتور وحبيت اخبرك أني والحمدالله جاتني الدوره في تاريخ 2011/12/23م وثاني يوم الدوره رحت عند دكتوره في مستشفى ثانيه غير الي عطاني حبوب هرمون الحليب وشرحت لها كل شي فسوتلي تحليل دم وطلع في الفحص أنا هرمون الحليب عندي نازل ولله الحمد للعلم أني ما كملت الحبوب كلها وقلت لها هل يحتاج أني اكملها قالت لي لا لانه نازل عندك اكثر من الطبيعي لكن قالت لي في هرمونات زايده وهرمون الرحم ناقص أنا ما فهمت عليها بعض الشئ لكن استغربت انه المستشفى الي رحتلها قبل شهر سولي تحليل دم وقالولي كل شي طبيعي غير انه هرمون الحليب عندك زايد ونسبته خمسين بالميه استغربت كيف بشهر تغير الحال !! وللمعلومه أنا كنت اشرب البردقوش اثناء علاجي من هرمون الحليب ،، المهم عطتني الدكتوره حبوب الكولوميد اكلها كل يوم صبح وبالليل وعطتني حبوب اسمه folic Acid اكلها كل يوم حبه وقالت لي ابتدئ من ثالث يوم الدوره الكولوميد والفولك اسد المهم يا دكتور الحين لي ثلاث ايام وانا اكل هالحبوب بس من يوم أكلتها احس انه الدوره من رابع يوم اختفت قبل كان يطلع دم لين خامس يوم وبعدها يطلع لون بني وبيج لكن من بعد ما اكلت الدوه احس انها انقطعت كليا وحس بعوار خفيف بالحوض والصدر بالجهه اليسرى من الجسم فهل هذا طبيعي يا دكتور وبعدين ليش الدم مانزل في رابع يوم من الدوره ؟ وشنو هالتغيرات الي حصلتلي في شهر في الهرمونات ؟ وانا يا دكتور يوم شفت الدم انقطع صرت اكل تمر اليوم علشان ينزل الدوره الي لونها بني كلعاده يا دكتور هل هذا يضر بصحتي ؟ وممكن يا دكتور تقولي النسبه الطبيعيه لهرمون الحليب عند المراه كم ؟ لانه اخر مره قالت لي الدكتوره على ما أظن ثلاثين بالميه وقبل أنا سالت وقالولي نسبته عشرين بالميه الطبيعي ماقبل الحمل فمااعرف هل هو عالي ولا منخفض والدكتوره قالت لي وقفي عن حبوب الهرمون لانه مو زايد وعطتني موعد بعد اسبوع إشعاع تلفزيوني علشان تتطمن على البويضات ،، الله يخليك يا دكتور طمني شنو فيني بالضبط وشكرا على ردودك وعلى ما تفيدنا من علمك عسى الله يجعلها في حسناتك.*