منتدى عالم الأسرة والمجتمع - عرض مشاركة واحدة - ماذا يفعل الزوج مع زوجته طويلة اللسان ؟
عرض مشاركة واحدة
قديم 15-04-2009, 01:59 PM
  #12
باريسا
قلم مبدع
 الصورة الرمزية باريسا
تاريخ التسجيل: Feb 2009
المشاركات: 1,481
باريسا غير متصل  
لا انا ماقلت لا ترد

بالعكس رد عليها لا تسكت .. من الخطأ السكوت

بس قلت لك لا تصير مثلها لا ترد الكلمة القذرة بمثلها .. لا ترد الاهانة بإهانة

لا ترد الاستهزاء بالاستهزاء ..

إذا تتذكر كيف كان الرسول عليه الصلاة والسلام يتعامل مع مشركي قريش ..

وهم مشركين .. هل كان يهينهم ؟؟ هل كان يسبهم

مع أن من الاسلحة القوية الي استخدموها مع النبي هي الاستهزاء يعني كانت حرب نفسية

نرجع لموضوعنا .. و أنا بقولك طرق وإن شاء الله تنفع

رفع الصوت


طبعاً اقصد برفع الصوت الي على طول .. والي بدون داعي .. أما لو غير مقصود او وقت عصبية بين فترات طويلة

ممكن الانسان يتغاضى عنه .. المهم

لما تجي تتكلم وترفع صوتها في وجهك .. نبهها وقلها

صغري صوتك .. أنا مو مستعد أسمع اي كلمة وانتي صوتك عالي .. مو مستعد افهم اي

شي وانتي تصارخين


اذا استجابت .. كان بها وإذا بقت ترفع صوتها أما أنك تعرض بوجهك عنها بعد ما تعطيها نظرة غاضبة

ولا تحط عينك بعينها ولا تطالع وجهها وانشغل بأي شي ثاني ولا كأنك تسمع شي

أو إذا ما قدرت تتحمل الجلوس اترك المكان الي هي متواجدة فيه بدون ابداء اي كلمة

مو ضروري تطلع من البيت .. لا .. روح حجرة ثانية مثلاً

ولا ترد عليها إلا إذا تكلمت بهدوء ... مع الايام ممكن تطول او تقصر راح تتعلم أنها لا يمكن تحصل على شي بالصراخ

ومن ناحية ثانية هذا يعتبر عقاب نفسي لها .. والعقاب النفسي اشد وطأة من البدني ..


نفس الشي باقي الاشياء إذا أهانتك بمعنى ( الاهانة والتقليل من القدر و القيمة و الاستهزاء )

لأني ما أدري عنك شنو الشي الي تعتبره إهانة او تقليل قدر .. يمكن تكون حساس كثير او شي

بس اتكلم حسب فهمي وياليتك عطيتنا أمثلة عشان أعرف شنو طبيعة شخصيتها

وعلى شنو ترفع صوتها .. وليش تستهزء .. يمكن تكون مظلومة .. يمكن أنت ترفع ضغطها

ممكن أنت ما تعطيها قيمة .. أو يمكن ما حسستها بالحب .. أو يمكن دايماً تقارن بينها وبين نسوان آخرين

والمرأة ما تتحمل .. شوف أنت كيف تعاملها عشان التصحيح يكون من الاثنين

أنا بعد ما ابي أظلمها .. بس أخذت على كلامك
__________________
..كالاطفال نحلم إننا ننام على سحاابة بيضاء يعطرناا المطر ..

التعديل الأخير تم بواسطة باريسا ; 15-04-2009 الساعة 02:06 PM