أولاً أخوي الف سلامة عليك وبإذن الله تقوم بالسلامة
أنا اسفه يمكن ماأقدر أفيدك بتفاصيل استخراج الجواز بالنسبه لإجراءات السفر داخل المطار حتى لو ماكنت سافرت قبل كده ماأعتقد أنك بتلاقي مشكلة يعني بتلاقي اي حد في المطار يساعدك ودايما بيوجهوك من خطوة للخطوة إلي بعدها بس عشان تاخذ فكرة بشكل عام تبدا الإجراءات بالعادة عند شحن الشنط بتحط الشنط عند الشحن بيوزنهم بتعطيهم الجواز والتذكرة وإذا عندك زيادة بالوزن بتدفع الفرق وإذا ماعندك تروح على قاعة الإنتظار الي بيدلك عليها موظف المطار والي بتكون قريبه من البوابة الي بتطلع منها ولما يجي موعد الرحلة بينادو عليها وبيطلبو من المسافرين انهم يتوجهوا للرقم بوابة معين باعتبار ان لكل رحلة بوابة مختلفة ... ماتقلق مو ضروري تكون عندك فكرة لأن موظفين المطار بيساعدوك وكل واحد فيهم بيقولك شو لازم تسوي بعد ماتمر عليه
اممم اما بالنسبة للعملة ممكن تحولها من صراف داخل المطار .. والي حلو بالموضوع ان الدرهم الإماراتي مايفرق كثير عن الريال السعودي
يعني الريال اقل من الدرهم بشوي يمكن كام هللة بس فابالتالي مابتلاقي صعوبة بالتعامل بالعملة لأن بشكل عام الأسعار وحده ... نرجع لتغير العملة مثل ماقلتلك ممكن تغيرها من المطار او صراف في السعودية قبل ماتسافر او حتى لما توصل على مطار ابوظبي في صراف ممكن يبدلك العملة .. غير انك في اي مول بأبوظبي بتلاقي محلات صرافة ممكن يحولولك الريالات بسهوله لاتشيل هم للموضوع ... وبالنسبه لبطاقات الصراف تقدر تسأل عنها في البنك الي تتعامل معاه إذا ممكن تستعملها بأبوظبي أو لأ بس بشكل عام ... اعتقد الفيزا كارد ممكن تستخدمها في أي مكان وفي أغلب دول العالم ... بس أتأكد أفضلك ...
والف سلامة عليك مرة ثانية وبإذن الله ماتشوف شر