اقتباس:
المشاركة الأصلية كتبت بواسطة بنت ناس^_^
وين الحمااااااااااااااااااااس.؟؟؟
بكتب لكم يومي..
فطور بسكوت دايت بالقمح قطعتين مع قطعتين كيك دايت انا عاملته..
الغدا
رز وسمك
العصر 
اشتهيت هوت شكوليت كاس
العشا..
نص ساندوتش جبن قليل الدسم
مع شرايح اناناس
مع كوب حليب بالشاهي
وزيتونات..
بس خربتها بحبة سنكرز
وصحن ورق عنب |
مرحبا يا بنت ناس
كيفك حبيبتي.. اي والله نبي من يحمسنا
عندي بعض الملاحظات ممكن اتساعدك في تخفيف وزنك اكثر اذا حابه
لو الفطور تاكلي توست اسمر مع بيضه مفوره احسن من البسكويت والكيك.. حاولي تنسين شي اسمه كيك هالفتره حتى لو كيك دايت
بالنسبه للغدا اهم شي يكون السمك مشوي وفيه ملح قليل... حاولي استبدال الرز بسلطه خضرا او خضار مفوره
اذا اشتهيتي شي حلو على العصر ممكن استبدال الهوت شوكلت بحبتين فاكهه لاني لاحظتك ما تاكلين فواكه ابدا
العشا ممكن تشربين شوربه مع سلطه و شوية زبادي قليل الدسم
ابتعدي عن الزيتون.. نسبة الدهون والسعرات الحراريه اللي فيه عاليه
وانسي ورق العنب... والسنكرس كله فول سوداني! يعني تناسيه تماما
حاولي تاكلين فواكه اكثر بس ما اتزيد عن ٥ حصص في اليوم.. لانه حتى الفواكه فيها سعرات وسكريات.. وابتعدي عن الفواكه الحاليه مثل الموز والمانجا والتين والتمر الخ.. وعليك بالتفاح والكمثره والافندي والخوخ.. واقل نسبة سعرات في الفراوله والتوت
واذا جعتي كلي خيار او كرفس واشربي ماي او كوب شاي بتشبعين
والحليب اللي في الشاي.. لا تستخدمين ابو قوس وهالسوالف ترا نسبة الدهون فيها عاليه.. استخدمي حليب منزوع الدسم..
اتمنى تاخذين نصايحي بصدر رحب
تحياتي لك حبيبتي.. 
التعديل الأخير تم بواسطة الجوري_86 ; 22-10-2010 الساعة 05:01 PM