هلا

أنا عرفت المنتدى بس من يومين وقلت اطرح فيه مشكلتي لاني اعجبني كثرة الردود الحلوه والمفيده

انا إنسانه مطلقه من سنتين ونص

عمري 28

ماعندي اولاد

من اربع سنوات تقدم لي شخص متعلم وموظف وظيفته حلوه وحنون وجذاب ورجل ووافقت عليه

تزوجنا وحصلت فيه الانسان الرومنسي الحنون والحساس والكريم وحسيت انه رجل بجد وحبيته وعشنا مع بعض احلى سنه ونص في حياتي صرت اكره فراقه لو نص يوم وكنت ما احب اطلع من البيت عشان نجلس مع بعض وناخذ راحتنا واتهنى فيه وبعد زواجنا بسنه ونص جت مني انا المشكله وكنت انسانه غبيه ما ادري كيف سويت كذا وخربت على نفسي بإهمالي له ولنفسي قدامه واستغليت طيبته في محاولة السيطره عليه وتوقعت انه بيكون خادم لي صرت أهمل البيت واطلبه طلبات تعجيزيه يجي من الدوام يحصلني نايمه ما سويت شي واذا صحيت حصلته نايم في غرفه جانبيه غير عن غرفتنا ويحترق قلبي عليه بس اني اخفي هالشي واظهر له اني ما اهتميت وكان يتكلم معي ويقولي ليه تغيرتي وليه وليه وكنت ما ارد له واقوله كلمات مالها داعي وطلبت منه خدامه ورفض واصريت على هالشي ورفض ووصل بينا النقاش لرفع الصوت رفعت صوتي وبكيت وضربته بس هو تركني وطلع من البيت اتصلت على احد صديقاتي حسبي الله ونعم الوكيل وكانت تحرضني وتقولي لا تعطينه وجه والرجال ما ينعطون وجه بكره يتزوج عليك ومثل هالكلام والنصايح اللي دمرت حياتي معه لدرجة اني كرهت الحياة معه وانا من جوا قلبي احبه بس هذا كله بسببي رحت لأهلي وبعض اللي حوالي كانوا يقولون لي ما يستاهلك وانتي جميله وانتي وانتي وكلمته بعد فترة اسبوعين وقلت له ما ارجع لما تجيب لي الخدامه وتنفذ طلباتي وكان موقفه انه اللي يشوفه اني اطلب طلبات غريبه وما نحتاجها ابداً وتخرب علينا وطلبت منه الطلاق وكان يراجعني اكثر من مره بس اصريت ويراجعني وجا لم اهلي وما رضيت اقابله وكان يرسلي رسايل وما ارد لين قال ترا اذا ما رديتي بطلقك وكنت احسبه ما يقدر يتركني بس بعد فتره ارسل خبر طلاقي وبغيت امووت من الخنقه والضيقه بعد الطلاق بسنتين ونص وقبل اسبوعين كنا مع اخوي في السياره ومرينا من عند بيت اهله وكان واقف هو مع عيال اخوانه عند سيارته بيطلعون لانه كان يجهز اغراض ويركبها في السياره ووقف اخوي عنده وقال بسلم عليه وعلى ابوه لانه اخوي يحبهم ويحبونه نزل وكنت في السياره مع اخواتي سلم عليه اول مره اشوفه بعد سنتين ونص وما قدرت اتحمل تذكرته وتذكرت ايامه معي واحترامه لي وحبه ودمعت عيوني وبكيت من حسره وهو إلى الآن ما تزوج بس انه كان متغير شكله وصار نحييييف ولحيته طويله ومايهتم من نفسه كنت في هاللحظه واخوي واقف معه كان نفسي انزل واضمه وابكي .

ندمانه بالحيل والدنيا ضايقه فيني بس انا السبب واستاهل

ونفسي افضفض لأي أحد

وابي اي طريقه انساه واطلعه من مخي وتفكيري