السلام عليكم و رحمه الله و بركاتتتته

كيف الحال .. وش اخباركم
امنياتي ان الجميع يكونون بخير و سلامه ي ررررب
ب اقول لكم سالفتي مع زوجي بس ابيكم تصبرون لاني ابي احكي ب التفصيل الممل ابي تعرفون كل شي صار حتى لو مو مهم
انا مرا كتبت لكم عن زوجي
للي مايعرفون شخصيه زوجي
ب ارجع اعيد لكم النقاط المهمه فقطط

زوجي انسان بيتوتي واهل بيته بيتوتين
ماتكلم عن قرايبه او خواته من ابوه

لا عن اهل بيته امه و اخوه و كيذا
حتى لما نروح بيت اهله يجلس معاي انا و امه
اوكي هي ميزه جيده لكل مو دايم الوحده مرات نفسها تتفرغ و تشوف صحباتها واهلها
انا حتى ب الويك اند يحاسبني على طلعتي لو طلعت يومين ورا بعض
واكثر مشاكلنا انو اهلك و عزايمكم كثيره طلعاتكم كثيره وووو
وانا من كنت بزره ببيت اهلي وانا والله يوم واحد مااجلس ب البيت
غيرت هالنقطه فيني صرت اطلع مرتين مثلا ب وسط الاسبوع و الويك اند اطلع ل اهلي و هو ل اهله

ويوم الجمعه اكون معاه
المهم
زوجي ابوه تعبان له فتره شهر تقريبا
ومنوم ب المستشفى الله يشفيه و يعافيه
وزوجي و اخوانه ينامون عنده ب التناوب
زوجي طوول هالشهر نفسيته مررررررررررره تعبانه اقسم لك ب رب الكون اني كنت معاه قلبا و قالبا
كان لما يجيني وهو يبكي اني ابكي اكثرر منه مررا كنت راحمته يجيني ب نفسيته مره خايسه ويقولي حكي ماينقال واراضيه ب شتى الطرق

انا حامل ب الشهر الخامس و عندي ولد صغير لسى ب عمره سنه وانا عمري 23
اللي ب عمري من شاكلتي والله لسى ماتزوجوا
انا نفسيتي تعبااانه مره من الحمل
وكنت قبل يتعب ابوه لماا اتعب و نفسيتي تصير خايسه والله مايتحملني يرمي علي اقوى الكلام و ينام ويخليني
واجلس اتعصر الالم
وصايره لما اتضايق يجيني طلق و احس ب حركه البيبي ترجيف على تحت و اجلس طول يومي اعاني وهو نايم
بس لما يصحى وانا نايمه يجي و يبوسني و يحاول يخفف عني
هالنقطه كنت احبها فيه على اني كنت اعاني وهو نايم بس كنت ادري لما يصحى ب القى منه احلى شي
بس كان نفسي انو يخفف علي ب وقت تعبي مو لما احترق وكل جزء ب جسمي ينتفض من الطلق بس يبقى شي احلى من لا شي

طبعا طول ما ابو زوجي منوم ب المستشفى ام زوجي تجي عندي ببيتي
يعني تخيلوا نفسيتي كيف و نفسيه زوجي واقسم لكم ب ربي كنت اطلع لها مبتسممه ولاكان فيني ذره تعب

اصحى من بدري و اجهز لها فطور و ارجع انام متى ماصحت تلقى فطورها جاهز
تروح بس ب الويك اند
فتره الويك اند هذي انا اروح ل اهلي
وطول الاسبوع ي اما ب البيت ي طالعين نشوف ابو زوجي ب المستشفى
تعطلت اشياء كثيره لي
اللي عندهم اطفال يمكن ب يفهموني
هالفتره فتره تعب و اقسم لكم ب ربي ولدي وصل ل بعض الاحيان تطق حرارته ل 40 و ابوه مو موجود
وادي انا دور الاب و دور الام ب نفس الوقت واطلع مع سواق اهلي
حتى مقاضي البيت وام زوجي عندي وربي اني اطلع واقضيها عشان مايصير نواقص ب البيت

يعني من كللل ناحيه موفره عليه وربي ماخليت ناقص
ولا عمري حاشبته وقلت ليه انا اسوي وليه انا افعل
كنت معطيه كااااامل الحريه ب ما ان تفكيره و كل طلعاته و روحاته ل ابوه وهذا واجب علي قبل يكون واجب عليه
وب العكس افرح لما اشوفه مهتم ب سالفه ابوه لان اللي فيه مافيه خير ل اهله مافي خير للناس

بهالفتره زي ماقلت حاولت اخفف عن زوجي كثييييير اشياء
حتى طلعاتي كنت اروح مع اهلي طول هالشهر
واختي بعد اسبوعين زواجها وبديهي محتاجتني كان ديم يسمعني كلام سم وانو المفروض مو كل مكان اروح معها وانها مفروض ماتعتمد علي طبعا اللي عنده خوات ب يعرف ان الاخوات يحبون ياخذون راي بعض حتى ب اتفه الامور انا مالومه عشان ماعنده خوات من امه بس من ابوه ولا يدري عن خفاياهم
ف كنت كل مرا اجيه ب طريقه مع العلم ان اكثر طلعتي مع اختي لما يكون هو مو عندي ب البيت
يعني بما انه هو و امه موجودين والله ماطلع

وكنت لما اكون طالعه اقول ل اهلي وصلوني بيتي حتى لو كنت راجعه الفجر واللي مرجعني بابا ومثلا تعبان اقوله معليش ودني بيتي عشان زوجي جاي من ابوه وتعبان ونايم
واجي والقاه جالس ع النت او يتفرج ع التلفزيون او اي شي بس انو صاحي
ويدري ان اهلي جابوني وعارف اني معهم

الويك اند هذا معزومه ب زواج انا
حطيت ولدي ببيت عمي ورحت للزواج
قبل اروح للزواج رحت انا وياه ل ابوه و رجعنا المغرب تقريبا وحطني ببيت عمي وتجهزت وكيذا
ب السياره حصل تاتش بسيط مره و تافه و المشكله هو الغلطان وهو اللي غلط ب الكلام وانا اللي سكت ورضيت و ابتسمت له
الزواج ب اخر الشمال و بيتي ب الشمال و بيت عمي ب الجنوب
شايفين المشوار كيف

هو بس اللي سواه انو وصلني بيت عمي ولما وصلت عند باب عمي تذكرت انو حليب ولدي مخلص
قلت معليش مافي حليب
وسوا لي سالفه وعصب وانا طرطور عندك رايح جاي ومادري ايش وانا سكت وراح جاب الحليب ب منافخ و نزلني بيت عمي ب منافخ
المهم لما جيت انزل قالي تبين شي بعد وهو ينافخ جيت انا قلت لا ابد ماقصرت كفيت ووفيت يعطيك العافيه و نزلت

راح هو و كانت الساعه 8 و نص كانت نفسيتي عددم
يعني البنات وكلن مررا متجهز ب يروح وينبسط وانا نفسيتي ب الحضيض ل درجه اني اول مادخلت قلت لهم ماراوح اروح
وبعدين ب اقناعهم قلت اوكي
طبعا ماما كانت معزومه بس ب زواج ثاني غير الزواج اللي احنا فيه
خواتي جو بيت عمي و لبسنا مع بنات عمي وكيذا وطلعنا 10 و نص للزواج
لما جت الساعه 1 رجعنا ل بيت عمي جلسنا ممكن ربع ساعه
بعدين رحنا نجيب ماما و بعدين رجعنا للبيت و خليتهم يحطوني ببيتي

طبعا طول هالوقت كلللللللله زوجي حتى اتصال واحد ماشفت منه
هو على كلامه انو معزوم عند اخوياه
انا مااتصلت ب حكم انو عند اخوياه متى ماخلص ب يكلمني
بس والله ماشفت منه ولا اتصال و متاكده انه كان ب راسه شي و طول وقتي اقول الله يستر من اليوم ي رب يعدي على خير
ولما وصلت بيتي نزلت استقبلني ب وجه قبييييح وكان ينافخ وبدري وتوك تجين
مع العلم اني راجعه الساعه 2 وماشفت الساعه وقتها
وكان يناااافخ فيه زوجه ترجع بيتها الساعه 3 و نص وش باقي كان كملتي السهره هيناك ومن هالحكي
وبس ينافخ ينافخ
وانا كنت ساكته لان ولدي حبيبي كان خايف
ولما سكت قلت له كل شي صار انو طلعنا وانتظرنا ماما ولما طلعت رحنا لها
قال انتي قلتي لي بس ب تروحين زواج ماقلتي انك ب تكملين السهره ببيت عمك
قلت اقولك بس ربع ساعه على بال مااخذت ولدي وكيذا وانت عارف انو مشوار مابين الشمال و الجنوب يعني ريحه راجعه اكيد ب ياخذ وقت وصار ينافخ وليه ماكلمتيني ومدري ايش وانا جالس ب البيت وانتي طالعه
انا الحرمه وانتي الرجال وكلاممم طووووويل بس كله منافخ
ب الاخير قلت انا اوووكي حقك علي انتظرنا ماما وهي اللي اخرتنا وزي كذا حاولت اصرف الموضوع قال اجل ماما هاه
انا مااستوعبت وش يقول قلت يعني ايش
قال لا صدقت ترا انك جايه مع امك
بعدين انا مابين مصدق و مكذب مااودي احس انه بدا يغلط من جد
جيت التفت قلت الحمد لله بس
قال لا فيه وحده ترجع لساعه 3 و نص و تبي تقنع زوجها انها جايه مع اهلها
قمت التفت عليه قلت يعني جايه مع مين قال مدري عنك وش دراني جايه مع مين
قسما ب الله وقتها مويه بااارده حسيت اطرافي كلها ترتعشش
ماتوقعت ب يوم من الايام زوجي ابو عيالي يقولي كيذا مررررررره انصدمت
وماحبيت اني ارجع اقوله ايش وزي كيذا ويزيد ب العيار
قلت خلها على اني انا مااستوعبت وش قال
وجلس يعيد و يزيد فيها وقسما ب الله عينكم ماتشوووف انهرررررررررررت جلست اصيح ب اعلى صوتي وولدي يصيح معااي ارتاع مسكين
وهو يقول بدينا ب حركات الدلع
حسيت قلبي جالس يحترررررررررق
ليه يقولي كيذا انا وش سويت له وقسسما ب الله ماعمره دخل الشك ب قلبه لو بس ب نظرره
ب حياتي مااحاولت اني اشوي شي مو كويس اخليه يشك فيني
هو ب نفسه موصلني بيت عمي
وهو سامعني وانا اكلم خواتي و اكلم بنات عمي ونتفق وش ب نلبس
مو اول مرا ادخل البيت متاخره خصوصا اذا جايه من زواج لييييه وش اللي صاير
على طول اخذت جوالي لا شعوري واتصلت على ماما
وخافت ماما قالت وش فيك
قلت ولا شي بس تقدرين تجيني الحين
قالت ماما السواق نام بس قولي لي شفييك
وقلت لها ان زوجي مشكك فيني يقولي مو واثق انك جايه مع اهلك
قال ماما الله يهديه عطيني اياه
وحطيت الجوال عنده وهو يصارخ يقول ماراح اكلمها وقفلت ماما واتصلت على جوالها ومارد عليها
بعدين جلس دقيقتين ورجع اتصل عليها
وكلمها عاددددي ولا كانه قايل لي قبل دقايق كلمه قووويه
وجلست ماما تقول له كلل اللي صار و انها هي اللي اخرتنا وزي كيذا و ب نفس الوقت اطالع ساعتي الا هي 3 الا ربع وهو يقول انتي جايه 3 ونص و يعيدها ويكررها ل ماما
بعدين شوي قال ل ماما اوك حصل خير حصل خير وانا كنت متضاايقه قلت لا ماحصل خير وسمعتني ماما
وقفلت منه ورجعت اتصلت علي وتهديني و تقولي اصبري ومدري ايش وانا اصييح قلت والله مااجلس عنده راحمته ومخليته ياخذ راحته ومخليتكم تتكفلون ب روحتي و جيتي وب الاخير يقولي كيذا
وجلست ماما تهديني و هي تصييح وتقولي اصبري ولا تحرقين قلبي على عيالك وادعي ل نفسك انتي الحين ب فتره ظلم لا تدعين عليه ولا علي اي احد ولا تتحيسبين عليه ولا تقولين اي شي عنه يمكن ربي يقبلها منك و بعدين تندمين طول عمرك لان مااحد ب ينفع عيالك الا ابوهم وانا خلاص حسيت جسمي كله يعورني وصرت احس ب طلللق ولا عاد اقدر ارد على ماما وخفت اخوفها
وقلت لها خلاص ان شاء الله نامي وارتاحي ان شاء الله مايكون الا الخير
قالت اذا تعبانه مره خليه يجيبك عندنا بس انا ي ماما مابي اجي اخذك اخاف بكرا يقول امها جت وخذتها وتصير مشكله اكبر والا والله قلبي معك

وقفلت منها وجاني ولدي يصيح عند رجولي ماما ماما ويفتح ايديني ومسحت دموعي وغسلت وجهي ورحت للغرفه عطيت ولدي علاجه و صلحت له حليب وخلاص ب اانام بس قلت لازم ابين له ولازم اناقشه على الاقل يطيح شي من قلبي او هو على الاقل يقولي حقك علي او اي كلمه
بس لما شفته الا هو مغمض عيونه و عااادي ولا كانه سوا شي ولما بديت اكلمه واناقشه صار يعيد نفس الكلام وانتي اللي تخليني اشك فيه راجعه متاخره و مدري ايش قلت له ترا لما دخلت البيت كانت الساعه 2 ماكانت على كلامك 3 ونص وصار يعيد الحكي ويقولي وش دراني جايه مع مين
وقتها تمنيت الارض تنشق و تبلعننني بعد يعيدها ب كل برود وطلعت من عنده و نومت ولدي و رجعت له ابين له بس اني مو على خطا واقوله ودني بيت اهلي لاني كنت مواصله و اعرف نفسي ماراح ارتاح وانام جنبه وانا متضايقه وقتها كان ياذن الفجر
وماما قالت لي اذا رجع على كلامه اذا جاء الفجر كلمي ابوك لانه ب البر يمكن رجع الفجر خليه يمرك وهو راجع ويجيبك لنا

وكنت اقوله انو انا ماتاخرت ولا اي شي وكل اللي صار كيذا وش تبي اكثر من ان امي كلمتك وصار يشكك حتى ب اهلي وانهم ممكن يبون يسترون علي
وجيت انا اقوله طيب ليه ماكلمتني وتاكدت انا وين مادامك شاك فيني
وليه مااتصلت وقلت لي ليه تاخرتي لما حسيت اني تاخرت
طيب اذا انت من البدايه ماتبيني اروح كان خليتني ولا سويت فيني كيذا
قالي انتي ليه مااتصلتي تقولين ب اتاخر تعال خذني
قلت اذا على قوله جب حليب وسويت لي مشكله تبيني اقولك تعال خذني و رجعني وانت مسمعني كلام زي السم قبل انزل واني مو طرطور عندك ومادري ايش
شلون تبيني ارجع اتصل واقولك تعال خذني
قال ايووه بدينا ب الاعذار
قلت لا مااتعذر اانا ولا راح اتعذر لاني ماغلطت انا جالسه ابين لك اللي صار عشان افهمك ان ب كلامك جالس تتهمني
وماازال مصمم على كلامه
بعد صلاه الفجر كلمت بابا و قلت له كل الموضوع
قال مو زينه ب حقي ي ماما اي اخذك الحين اسفهيه
وخذي ولدك ونامي ب الغرفه الثانيه و خليه اذا جاء الظهر جيت اخذك وانا جالسه اكلم بابا ومنقهره
تخيلوا جالس وراي يسمع حكيي و يضحك علي انقههههههههرت مرا نقهرررت الله يقهره في نفسه

و بعدين لما قفلت من بابا خذت ولدي وطلعت للغرفه الثانيه وصليت الفجر و قريت قران ونمت
وصحيت الا الظهر وفيه مكالمتين من بابا
رجعت اتصل فيه قال شوفيه اذا ب يجيبك للبيت والا جيت اخذك
جيت طلعت له وقلت توديني والا يجي بابا ياخذني
قال روحي البسي و جهزت اغراض ولدي و لبست و طلعت له قلت يالله
المهم وانا اطلع متعمد يترك جواله ب البيت ويوريني
قلت خذ جوالك قال وش ابي فيه ب ارجع الحين
قلت لا ابوي يبيك
قال وليه يبيني ومسوي قوووي
قلت انا ابيك تجيب دليلك ب اتهامك لي و ثتبت ل اهلي اني مو راجعه معهم وقتها لك اللي تبيه
وطلعنا من البيت وهو يتكلم وانا سافهته وجيت بيت اهلي و جلسوا يحاكونه اهلي وماكان نقاشههم معه قاسي كانوا وقسما ب الله احن عليه مني وطول كلامهم الله يرضى عليك ي ابوي ي ولدي وهو مازال مصمم على كلامه بس بدون ذكر سالفه انو شكك فيني
كل كلامه انو ليه تاخرت ب الاخير قالت ماما انا اللي اخرتهم وانا الغلطانه وصار يقول لا ي خالتي ماغلطتي
انا الغلطان الي ماكلمتها ولا قلت لها وينك وانا غلطان لاني ماقلت لها ب اجي اخذك كل كلامه تغير اللي كان ب البيت
بس مااقال على طاري التشكك ابددد
انا كنت اسمعهم ماجلست معهم بس موقفه عند الباب ولما شفت الموضوع كيذا جيت دخلت
قالي بابا اجلسي
قلت مادخلت عشان اجلس انا دخلت ب اقول كلمه وحده و بس
لو هي حاسبني على التاخير بس كان والله تهوووون ويمكن انا اللي اراضيه واخلي الموضوع ماكان شي صار
لكن انا اللي جرحني وعور قلبي كلمته وتشككيكه فيني و فيكم و اني انا مو راجعه مع اهلي
اذا هو شاك فيني او لاقي علي شي لو واحد ب الميه يقولي الدليل قدامك وانا وعد مني ل ابوس رجوله قدامكم
بس يتهمني ب شرفي بدون اي دليل هالشي والله مااسامحه فيه
قالت ماما شف والله مو عشانها بنتي بس ترا الحرمه تنسى اي شي صاار لها الا شرفها
اللي يغلط ب شرفها خصوصا اذا كان زوجها يمكن تسلك الامور و تمشي معك بس ترا يبقى الجرح ب قلبها
وهو سااااكت ماقال اي كلمه
قلت عندك دليل عندك اثبات تكلم
قال لا ابدد ماعمري شفت عليها شي
قلت اجل رح الله لا يسامحك وتراي مو محللتك وبابا يقولي اجلسي الله يهديك وموب كيذا التفاهم
قلت ي بابا والله لو انه قايلها مره وحده ان تهون السالفه عندي
بس عادها مره ومرتين و ثلاث
اسسفه مااقدر ورحت فوق ل غرفتي و هو طلع من بيتي اهلي بس قالي اخوي الصغير ان ماما جابت القهوه و شرب فنجال وقال عن اذنكم
وطلع ولا حاكاني ولا قالي اي شي
بس ارسلي مسج يمكن العصر سامحيني ي ام محمد غلطت عليك
ولا رديت عليه و هو مااتصل بس كلمني المغرب ولا قال شخبارك ولا اي شي ولا حسسني انه مهتم
قالي اجي اودي حمود للدكتور عشان عنده مراجعه قلت ب كيفك قال تجهزي
قلت تعال خذ ولدك وووده انا ماراح اروح مكان
قال اجل روحي مع السواق
قلت يصير خير وقفلت منه
وارسلي مسج الساعه 1 ب الليل شخبارك ووش اخبار ولدي
قلت ولدك بخير و ترا ماوديته للدكتور انت ابوه مسوول عنه اذا فصيت تعال خذه ووده
ارسلي مسج شكرا

وعليهاااااااااااااااا
وقسما ب الله لو حاول يراضيني زي الناس ممكن اتجاوب معه
لكن قهرتني طرريقته عارف انه غلطان و لا هو حاس ب جرح قلبي
انا ادري اليوم ب يكلمني
لانه امس كان مناوبته عند ابوه
وكان ب المستشفى وادري لسى ماطلع للحين
وادري لما يطلع ب يكلمني وزي كيذا
بس انا انجرحت كثيررر و نفسيتي مو قادره تتحمل اكثر من كيذا


علموني شسوي و كيف اتصرررف نفسي احد يرد علي بدري
مابي يوم والا يومين والا اكثرر
لاني خاف انجبر من اهلي اني اروح معه للبيت
ابي اعرف ميف اتصرف وكيف اتعامل معه

اسفه اذا طولت بس حبيت اذكر الموضوع ب كل تفاصيله ولازدت ولا نقصت ابددد

عن اذنكم