إذا عرفت نقاط ضعف عدوك الثعبان
وكيف تتعامل معه وعرفت نقاط قوته
وكيف تستغلها لصالحك راح تنتهي معاناتك
وبعدين يا أخي يا كثر اللي تعاملوا مع الثعابين
سواء يقتلونها او حتى يعلقونها وكلهم في بداياتهم
كانو مثلك ومع التدريب تغير جوهم
بالنسبة للمظلي اخوي اخذ دوره وكان يصور نفسه
والضابط يصوره وهو يقفز بصراحه شي حسيته يلعب
وعجبتني الشغله واهم شي اللياقة وتتبع التعليمات زي
ما يعلمونك ... هذا غير ان المبتدئين امثالك دورتهم بسيطه
وارتفاع محدود ومظله إلكترونيةتفتح من نفسها وهو ماله
الا يقفز ويتوازن ويوقف على رجوله عالارض
اللي من جد رعب الطيارين الحقيقيين قفزهم المظلي من ارتفاعات
شاهقة وهم اللي يتحكمون في مظلاتهم
واتوقع ماراح تقفز الا كم مره لانه مو من صميم عملك القفز
المظلي..
عموماً الدورات العسكرية حلوه وتعلم الواحد الانضباط والصبر والتحمل
وقوة في التحكم
وتغيرت كثير عن الدورات اللي زمان
الحين صاروا حبيبين واضحك على اخوي لما يقولوله
انت فلان اكسر عين الشمس واقوله كيف يعني تكسر عين الشمس
يقولي يعني ارفع راسي واناظر فيها
